VIDEO : Ta pidi yudansa cu informacion of testigo di e accidente serio aki. KPA TA BUSCANDO INFORMACION DI HIT & RUN NA TANKI FLIP

Posted on March 08, 2019, 2:51 pm
3 mins

ORANJESTAD,Aruba

Cuerpo Policial Aruba ta haci un yamada na comunidad pa yudansa, testigo of informacion tocante di un accidente serio di “Hit & Run” cu a tuma lugar na Tanki Flip.
Awe e Sra. di inicial Q. ta luchando pa su bida despues di a wordo atropeya pa un auto.
Departamento di trafico di KPA ta purbando soluciona un caso di “Hit & Run” cu a sosode riba diadomingo 3 maart 2019 pa mas o menos 09:00 anochi despues di Parada Grandi di Oranjestad.
Ariba e anochi menciona Sra. Q. biba na Tanki Flip number 3 a bai crusa caminda y awordo alcansa dor di un auto.
Central di Polis ta haya un yamada riba e suceso aki y a manda autoridad necesario na e sitio. Na yegada di ambulance y polis por a nota un Sra. Grandi benta parcial riba caminda cu basta cla na cabes y curpa. Mirando e auto cu a dal sra. Q. e manehador no a para y a opta pa sigui core bai y bandona e sitio. Pa mas investigacion a bai over na mira camera di seguridad di negoshinan riba Caya Ernesto Petronia.
A bin encontra un video cu ta ilustra exactamente loke a sosode na momento di e accidente. Por mira cu un auto a dal sra. Q y sigui core bai mientras cu dos otro auto mas patras di esun cu a come e “Hit & Run” ta hala un banda di e vicitima pa no trape y ta opta pa sigui core bai y no ta para ba brinda e prome auxilio.
Cualkier persona cu por a wak algo, bisiña cu a mira algo straño, garage di drecha auto cu por a topa e auto of e dos autonan cu a wak esaki pasa e anochi aki please bin dilanti.
Nos di Cuerpo Policial Aruba ta pidi pa cualkier persona cu tin informacion cu por yuda nos yega na esun cu a comete e “Hit & Run” pa tuma contacto cu nos pa asina nos por sigui cu e investigacion. Por tuma contacto cu nos Tiplijn na 11141, central di polis 100 of warda di Balashi 585-2500 puntra pa agente policial SOPHIA, MEYE of CROES.

Spread the love
  • 653
    Shares

Leave a Reply

  • (not be published)