Un poco di tur cos rond mundo

Posted on July 08, 2019, 1:57 pm
2 mins

ORANJESTAD, Aruba    

E siguiente maneranan di gana bo pan ta ilegal na New York City : Kita cuero di cabay of baca,kimamento di resto di bestia, cultivo di ragweed { ambrosia } y kimamento di weso !
Pablo Picasso : ” Copia otronan ta necesario, pero copia bo mes ta patetico “.
Realmente no ta Alexander Graham Bell a inventa telefon, sino un Aleman, Philip Reis,kende na 1861 a traha un transmisor cu tabata ricibi y manda y cu el a yama un ” telefon “.Diesdos anja despues, Elisha Gray, di Chicago, a completa un yamada telefonico di distancia cortico. Esun di Bell, patenta na Maart 1876 tabata tin e diferencia cu e tabata e prome mecanismo pa ricibi y manda door di cual voz humano por a ser transmiti !
Tyron Edwards : “Edad no ta depende di anjanan, sino di temperamento y salud. Algun hende ta nace bieu y otronan nunca bira bieu “.
Bo tabata sa cu na Venecia tin un Ley cu ta obliga tur hende cu tin un gondola pa pintaesaki preto ? E unico excepcion ta pa e gondolanan cu ta pertenece na oficialnan haltodi gobierno.
Un escritor prolifico ta e Belga autor di misterionan, o sea Georges Simenon, kendetabata produci un novela cada 11 dia. Na total el a skirbi 230 novela bao su mes nomber y 300 otro buki bao un seudonimo.
Michel de Montaigne : ” Ora cu mi hunga cu mi pushi, ken por bisa cu e no ta diverti sumes cu mi mas cu ami ta diverti mi mes cune ?”

Spread the love

Leave a Reply

  • (not be published)