Trabounan Di Limpiesa Pipanan Di Desagwe Kaya Soeur Bartola Relashoná Ku Temporada Di Awaseru Binidero

Posted on May 17, 2019, 10:18 am
32 secs

KRALENDIJK, Bonaire

Anualmente Entidat Públiko Boneiru ta hasi trabounan di mantenshon i limpiesa na tur pipa di desagwe i labadó. Esaki ta importante pa desagwe di awa di yobe na Boneiru. Spesialmente durante e temporada di orkan binidero pipanan di desagwe limpi ta hopi importante.

Kaya Soeur Bartola ta un di e kayanan ku tin hopi molèster di awa durante e periodo di áwaseru. E ora ei semper e kaya aki ta bou di awa. Esaki ta kondusí na molèster den bisindario di Fundashon Mariadal.

Riba djasabra 18 di mei i djasabra 25 di mei Entidat Públiko Boneiru lo hasi trabounan di limpiesa na e sistema di desagwe di awa di yobe, esta e pipa- i roinan den Kaya Soeur Bartola. Lo habri e pipanan di desagwe i spùit nan hasi limpi.

E trabounan aki ta tuma lugá entre 8 ‘or di mainta i 3 ‘or di tramèrdia. Tráfiko den e kaya aki por tin molèster di esaki. Entidat Públiko Boneiru ta pidi komprenshon di tur hende ku ta hasi uso di e kaminda aki.      

Spread the love

Leave a Reply

  • (not be published)