Tironan di advertencia di e helicopter a logra forza Go-Fast stop cu su biahe

Posted on December 19, 2018, 6:27 pm
2 mins

KRALENDIJK , Bonaire

Diamars anochi, Zr. Mr. Zeeland den corto tempo a haci su di dos captura den area di Caribe, unda a intercepta un Go Fast cu 4 persona abordo, sospecha di ta dedica na transporte di mercancia ilegal. E personanan aki y e mercancianan a ser traspasa na autoridadnan Bonariano (KPCN) pa sigui cu e investigacion.

 E boto aki, a keda intercepta entre Bonaire y Corsou. Na Bonaire e informacionnan recibi ta papia cu den e speedboat aki, nan a bin haya un lote formal di placa cash.

Pesey e sospechoso cu riba alta mar, mester a tuma lugar, traspaso di droga, pero no a haya nada di droga.

Mientras cu na mes momento Guaracosta Mericano a duna di conoce cu nan tambe e intercepta un cargamento grandi di droga y pesey ta kere cu esaki tambe tin di haci cu e operacion aki.

 Guardacosta ta splica cu Zr. Mr. Zeeland diamars anochi a haya informacion banda di 7 or for di Rescue Coordination Center (RCC) cu tin un boto sospechoso ta move den awanan serca di Bonaire.

E helicpopter NH-90 abordo di Zeeland y e Dash di Guardacosta a lanta buelo pa persigui e Go-Fast. Durante e persecucion aki di e Go Fast mester a los varios tiro di advertencia, pa nan stop, pero e Go-Fast no kier duna oido.  

 Finalmente e tironan di advertencia di e helicopter a logra forza pe Go-Fast stop cu su biahe. E 4 miembronan di personal di e Go – Fast di biaha a cuminsa benta paki, paña y otro mercancia for di e boto, cu mientras tanto a ser “pisca” tur e mercancianan dor di FRISC di Zeeland.

E personanan y material di prueba, inclusivo e Go-Fast cu Zeeland a tou hiba pa Bonaire, unda tur esaki a keda entrega na autoridadnan di husticia di Bonaire (KPCN) pa nan sigui cu e investigacion. E Zeeland asina a sigui cu su patruya haciendo trabao pa Guardacosta. 

Spread the love
  • 62
    Shares

Leave a Reply

  • (not be published)