Studiantenan di ultimo aña di IPA cu exposicion di nan proyecto social diaranson 15 di mei

Posted on May 14, 2019, 2:07 pm
3 mins

ORANJESTAD, Aruba       

Den cuadro di finalisacion di e estudio pa bira maestro di scol e studiantenan di Instituto Pedagogico Arubano (IPA) di ultimo aña mester haci un investigacion y un proyecto social. E investigacion ta pa nan tesina di finalisacion di estudio (afstudeerproject) y e proyecto social ta na bienestar di un instancia, grupo of comunidad en general. Di e delaster aki nan mester haci un presentacion cu ta forma parti di e examen final. E presentacion lo ta den forma di un exposicion caminda nan ta presenta nan proyecto na e docentenan di IPA, e instancianan y na publico en general. E proyecto social ta hopi importante den cuadro di e desaroyo como docente y “agente social”, esta como persona clave den nos comunidad Arubano cu ta participa y contribui activamente den e desaroyo social y cultural di nos pais. E aña aki nos studiantenan ta presenta varios proyecto y topico interesante cu nan a elabora y traha riba nan conhuntamente cu e instancianan social na Aruba. Algun di e instancianan aki ta entre otro Club Kibrahacha 60+, The Butterfly Farm, Space and Nature Aruba Foundation, Famia Planea, Fundacion Respetami, Luna Foundation y AHATA.

Aki nos ta duna un bista di e studiantenan y e topico di nan proyecto social cu nan lo expone:

  • Jeaniree Franken: ‘Workshop gebruik van moderne technologie’ – Club Kibrahacha 60+.
  • Chantalle Giel y Ealeen Ferro: Het leven van de “Monarch”  Monarchvlinder lespakketten voor onderbouwleerlingen – The Butterfly Farm.
  • Lianne Tromp y Gereline Werleman: Spelenderwijs het universum en de natuur leren kennen – Space and Nature Aruba Foundation.
  • Damien Lopez: Seksuele opvoeding binnen en buiten de basisschool op Aruba  – Famia Planea.
  • Sandra Guzman y Shamaira Rodriguez: Het belang aandacht, zorg en liefde om te ontwikkelen – Fundacion Respetami.
  • Gislaine v.der Linde y Yuryenne Arends: Het belang van dierenverzorging op school als deel van de curriculum – Luna Foundation.
  • Margareth Lie Kwie: AHATA promotiefilmpje ’17th Annual Coastal Beach Clean Up’ Het gevaar van plastic op land en zee – AHATA.

E exposicion di e proyectonan social ta habri pa publico diaranson dia 15 di mei di 2or pm – 8or pm na IPA (Sala Madonna). Tur educador y interesado ta keda cordialmente invita pa asisti na e exposicion interesante aki di nos studiantenan.

             

Spread the love

Leave a Reply

  • (not be published)