Shortfilm “Pariba” cu prome screening na Aruba

Posted on June 11, 2019, 5:20 pm
2 mins

ORANJESTAD, Aruba  

 E prome screening di e shortfilm “Pariba” lo ser estrena na Cas di Cultura dia 15 di juni 2019 den e sala di exposicion di 7or pm pa 10or pm. Lo tin 2 show, uno 7:30 y otro 8:30. Entrada ta gratis

‘Pariba’ ta e filmdebut di Aramis Garcia Gonzalez como director, y a ser crea y skirbi conhuntamente cu Elise van der Linde, tur dos ta graduado di ‘Universiteit van Amsterdam’. E film a ser crea cu ayudo di UNOCA y di ‘Prins Bernhard Cultuurfonds Caribisch Gebied’ y cu un ‘crowdfunding’ intensivo. 

‘Pariba’ ta e storia di dos amiga, Julie y Xiomara, cu ta celebra tur aña e Lighting Parade di Carnaval na San Nicolas. E aña aki nan ta pasa door di e mesun ritualnan e dia di e Parada, pero poco poco Julie ta cuminsa realisa cu lo ta e ultimo aña, paso Xiomara ta muda bay Hulanda pa sigui su estudionan. Nunca nan lo mira otro mas manera cu nan ta awor.

Cu e film aki e creadornan kier ilumina e alumnonan cu ta bay studia den exterior despues di scol secundario y tambe nan ser keri cu ta keda atras. Un storia cu ta reconocibel pa hopi den islanan ABC, pero cu ta haya poco atencion na Hulanda y en general. Tanto Aramis cu  Elise a lucha cu e sentimiento di no sinti nan mes na cas, y esaki a inspira e creacion di “Pariba”.

Cu cooperacion di Arubianonan na Aruba y na Hulanda e film, completamente na Papiamento, a ser crea.

Credits

Regisor: Aramis Garcia Gonzalez

Escritor: Elise van der Linde & Aramis Garcia Gonzalez

Director di Photography: Fernando Barrientos

Cast: Jaydienne Loefstop & Gena Ramirez Boom

Musica: Efrem Angela

Editing: Eva van Weeghel


Spread the love

Leave a Reply

  • (not be published)