Sea Bunita Sea Bo Mes Fashion Show di nos muchanan y hobennan special ta cla pa presenta nan grandioso show

Posted on June 07, 2019, 9:17 pm
2 mins

ORANJESTAD, Aruba        

Fundacion Sea Bunita Sea Bo Mes ta presenta su modelonan cu lo desfila ariba tapijt cora y tambe ariba pasarela diasabra dia 8 di juni. Nos reina hubenil di Aruba su Carnaval Ilaijah Catalina Croes, cu nos tur por recorda na februari ultimo a sa di demostra su talento y conkista curazon di huradonan y a logra e titulo di reina hubenil di Aruba 2019 y Shawndre Geerman cu a representa Aruba varios biaha internacionalmente. Tur esaki lo tuma lugar den e prestigioso Renaissance Convention Center durante e Sea Bunita Sea Bo Mes fashion show di nos adultonan, muchanan y hobennan special cu lo tuma lugar diasabra awor 8 di juni.

Hobennan super inteligente cu bendicion special, cu lo wordo acompaña door di nos celebridadnan di Aruba cu semper ta cla pa duna tur nan sosten pa cu nos muchanan y hobennan special y acompaña nan ariba e pasarela den Renaissance Convention Center.

Fundacion Sea Bunita Sea Bo Mes ta gradici cada un di e patrocinadornan, boutiquenan di moda cu ta participando y kendenan a yuda cu e vestuario di nos muchanan y hobennan special.

Un anochi cu ta bay bira grandi un biaha mas. Esaki pa di 4 aña cu Fundacion Sea Bunita Sea Bo Mes ta organisando e anochi bunita aki. Lo bay tin hopi sorpresa durante e anochi aki combina cu canto, baile, declamacion di poesia y e famoso pasarela unda nos por bay aprecia e talento di nos muchanan y hobennan special.

Cumpra bo carchi na balor di awg 35,– cual ta obtenibel cerca tur mayor di nos muchanan y hobennan special. Pa mas informacion por tuma contacto cu sra. Marienela Geerman na cel # 733-1431.

Aruba ban duna tur nos apoyo y brinda nos adultonan, muchanan y hobennan special tur nos sosten den nan lucha pa inclusion.


            

Spread the love

Leave a Reply

  • (not be published)