RUTSEL SINT JAGO 30 AÑA KOMO ÁMTENAR

Posted on April 10, 2019, 3:53 pm
28 secs

KRALENDIJK, Bonaire

Trinta aña pasa 1 di aprel 1989 sr. Rutsel Pancracio Sint Jago a drenta
servisio di gobièrnu di Boneiru na e departamento Higiéniko komo Vector kontrol pa kombatí sangura i otro insektonan pa evitá Gele koorst.
Na aña 2001 Rutsel a sigui e kurso di kontrol di alimento ku éksito.
Banda di e tareanan diario Rutsel ta inspekshona tur barku ku ta den nos haf pa asina evitá ku por trese kontaminashon.
Aktualmente Rutsel ta bou di direktorado di Supervishon i mantenshon di Lei.
Albert Crestian kende a traha hopi aña ku Rutsel Sint Jago den su diskurso a trese partinan inolvidabel ku nan a pasa huntu i ku otro koleganan durante e añanan.
Marlene Boekholt na nòmber di koleganan a entrega Rutsel un regalito.
Hefe di direktorado di Supervishon i Mantenshon di Lei sr. Jair Tromp primeramente a felisitá Rutsel i famia pa e trinta añanan ku la duna su servisio na komunidat Boneriano, finalmente Tromp a hasi entrega di e sertifikado di rekonosimentu i ènvelòp ya konosí.

Spread the love
  • 7
    Shares

Leave a Reply

  • (not be published)