Robby Burleson a fayece

Posted on December 05, 2018, 9:06 am
14 secs

ORANJESTAD, Aruba

Diamars anochi laat a drenta e informacion cu e conocido periodista Deportivo Robby Burleson a fayece.

Robby Burleson, kende recientemente a recorda 38 aña trahando na Diario, ta conoci den mundo Deportivo, speciamente den baseball. Semper bo tabata mira ta cana cu e camera colga na su garganta yegando eventonan Deportivo. E ta un persona hopi alegre y gusta haci joke, y semper cu un sonrisa riba su cara.

Robby ta sufri di problemanan di curazon y recientemente tabata interna caba. Diamars mainta el a bira malo na cas y a wordo transporta urgente pa hospital. Sinembargo el a haya un problema adicional cu dokternan no por a haci nada mas p’e. Famia a keda cu speransa pero anochi el a fayece.

Robby ta casa cu e fotografo Gina Burleson Werleman y e tin 2 yiu.

Na su famia, colega y amigonan ta bay palabra di condolencia.

Spread the love
  • 8
    Shares

Leave a Reply

  • (not be published)