Rigoberto (Haime) Croes apunta como director di Departamento di Infrastructura y Planificacion (DIP)

Posted on December 03, 2018, 6:16 pm
57 secs

ORANJESTAD, Aruba

E siman aki a habri cu bon noticia pa e departamento di Directie Infrastructuur en Planning (DIP) E director nobo di DIP tin experiencia amplio riba tereno di maneho cual ta locual cu DIP ta atene na dje.  Sr. Rigoberto (Haime) Croes a forma parti di un procedura di seleccion haci por medio di un compania externo di consulta cu a aplica un metodologia pa scoge e mihor candidato, cual a resulta di ta sr. Croes.

3 di December a bira e prome dia di trabou di e director, conhuntamente cu 4 otro empleado cu ta amplia e ekipo di DIP pa asina sigui crea un organisacion cla pa futuro y cu lo sigui cu e maneho di desaroyo teritorial integro y transparente.

Haime Croes: ‘Mi a studia e profesion aki pa mas cu 14 aña y awor mi lo ehecuta locual cu mi a studia. DIP ta un departamento hopi importante pa Aruba, e ta e departamento cu ta carga desaroyo y diseña desaroyo. Si kier haci actividad economico, DIP mester sa unda esaki por bin, teniendo na cuenta pa e no trece conflict cu nos hendenan. Nos teritorio ta schaars, consecuentemente mester percura pa e diseño ta bon.’

Ta desea e team completo di DIP hopi exito pa e trabounan cu lo tuma luga, un trabou cu lo tin su retonan pero sigur hopi oportunidad tambe.

Spread the love
  • 15
    Shares

Leave a Reply

  • (not be published)