Ricky Franken: Mi ta recuperando y pronto mi lo ta na Aruba

Posted on July 07, 2019, 2:31 pm
3 mins

ORANJESTAD,Aruba

Mi a bay Colombia pa un di dos opinion di mi salud, mi tin basta luna na man di dokternan local, pero no por a dunami un contesta kico realmente ta conduci cu mi ta haya ataca. Despues di basta dia malo mi a dicidi di bay Colombia, pero yegando Colombia mi a haya un ataca den baño di aeropuerto na Colombia y a dal mi cabes hopi duro cu mi a bay inconsiente y mester a haci dos operacion di cabes.

Danki DIOS e operacionnan a bay bon y cu awe mi a sali di hospital danki na algun amigo, famia y sin lubida Minister Otmar Oduber cu tabata pendiente y cu tambe a duna su granito pa asina yuda cu mi a sali di hospital y cu awor mi ta sigui cu e resto di tratamento na cas na colombia pa despues mi bolbe bek Aruba. Un danki na tur esnan cu ta pendiente , mi ta gradici un y tur di curason.

E realidad ta cu mi no a spera cu lo mi  a bira malo na Colombia y pa es motibo aki mes mi no a perocupa pa busca un seguro medico na momento cu mi a bay biaha, esey tabata un eror di mi persona. Awor cu mi a haya tratamento aki, nan a cambia mi remedinan y alabes a constata cu mi tin epilepcia y pa mi keda atendi y ricibi e remedinan corecto pa atende e malesa.

Tambe despues di a pasa den e situacion aki mi a bin ta compronde e ley di AZV mas di serca cu AZV ta cubri tur persona na Aruba na momento cu nan ta na Aruba y no den exterior y pa es motibo aki mes mi gastonan no por a wordo cubri.

Awe mi por bisa  cu mi a pasa den un experiencia y cu mi a siña hopi di dje y danki na mi famia, coleganan y Otmar Oduber  manera un team , manera cu nos ta semper a sa di yuda y dunami e sosten manera semper nos a haci den momentonan bon y malo.

Pronto lo mi tey bek na Aruba y alabes kier abstene mi mes na tur loke cu mi mama a declara na 24ora .com riba situacion di placa sin mi conocimiento.

Spread the love

Leave a Reply

  • (not be published)