Relato Anual 2018: Water- En Energiebedrijf Bonaire (Web) Ta Finansieramente Sólido

Posted on July 08, 2019, 2:36 pm
2 mins

KRALENDIJK, Bonaire

Gerensia di WEB Bonaire NV a entrega e relato anual di 2018 na diputado Elvis Tjin Asjoe. E relato ta duna un bista di e akontesimentunan basá riba echos, sifra i aklarashonnan pa ku aña 2018. 

WEB ta mira bèk riba un aña kaminda a tuma pasonan importante pa ku futuro di Water- en Energiebedrijf Bonaire. Kompará ku aña 2017, ku a hiba un pèrdida di $1.7 mion, a sera aña 2018 ku un resultado positivo di $2.5 mion.

E  resultado aki ta hasi posibel pa WEB atraé finansiamentu pa por invertí  den fasilidatnan di awa i elektrisidat. E último añanan e demanda pa awa i elektrisidat a oumentá, dor di entre otro kresementu di e poblashon di Boneiru. Pa e motibu aki WEB ke invertí den un planta di awa i produkshon sostenibel di koriente pa asina por sigui suministrá awa i koriente pagabel, konfiabel i duradero.      

E lei  di awa i elektrisidat ku a keda implementá aña pasá a kontribuí ku WEB por a optené tarifanan rendabel pa por enfrentá desafionan manera kresementu. Na mes momentu e supsidionan di e ministerionan di EZK i I&W ta kontribuí na tarifanan pagabel. Kolegio Ehekutivo tambe ta hasi su máksimo esfuerso pa ku esaki i na yüni di e aña aki a firma un karta di intenshon relashoná ku RWZI.

Dia  27 di mei, WEB a entrega e relato anual ku ta inkluí e informe di ouditoria na entidat públiko Boneiru (OLB). Dia 24 di yüni OLB a aprobá i stipulá e relato finansiero. Di e manera aki WEB ta kumpli ku e periodo segun e kódigo di Gobièrnu Corporativo (Corporate Governance) di Bonaire.

WEB lo pone e relato anual disponibel pa download riba su página di Internet webbonaire.com.

Spread the love

Leave a Reply

  • (not be published)