Relashonnan Intergubernamental Entre Islana Bes I Den Haag Ta Karakterisá Bishita Na ‘raad Van State’

Posted on June 07, 2019, 12:31 pm
2 mins

KRALENDIJK, Bonaire   

Durante un bishita na ‘Raad van State’ diputadonan Elvis Tjin Asjoe, Nina den Heyer i James Kroon a duna nan vishon riba e manera tokante kon ta duna kontenido na e relashonnan intergubernamental entre e entidatnan públiko i Reino.

Manera ta konosí sekretario di estado di Relashonnan den Reino Raymond Knops a pidi ‘Raad van State’ konseho tokante esaki, kaminda ta tira un bista tambe riba e posibilidatnan pa fortifiká e ròl di kordinashon di ministerio di Asuntunan Interior i Relashonnan den Reino. Gobernantenan i ámtenarnan na Hulanda Karibense den práktika hopi biaha ta haña nan mes konfrontá ku e echo ku di parti di Den Haag no tin sufisiente sinkronisashon entre e diferente ministerionan enbolbí. De fakto den diferente rapòrt, entre otro esun di Komishon Spies, ya kaba nan a konstatá esaki.

Visepresidente di ‘Raad van State’ Thom de Graaf a invitá e diputadonan pa tende nan opinion tokante e asuntu aki. Ta vèrwagt ku mas lat den e aña aki e konseho ta sali i nan lo publik’é simultániamente ku punto di bista di gabinete. Durante e kombersashon entre otro e miembro ekstraordinario di ‘Raad van State’ Frits Goedgedrag tambe tabata presente.      

deklarashon di intenshon pa fasilitá kompartimentu di konosementu i eksperensia entre nos islanan i e munisipionan,’ segun diputado Elvis Tjin Asjoe.

‘Di kurason nos ta aploudí e inisiativa aki. Interkambio ta un di e instrumentonan pa logra e profeshonalisashon ku nos ta deseá pa nos aparato gubernamental. Mi a bisa Asosiashon di Munisipionan Hulandes i ministerio di Asuntunan Interior i Relashonnan den Reino ku komo Entidat Públiko Boneiru gustosamente nos ta yuda pensa tokante elaborashon di e idea aki.’

Spread the love

Leave a Reply

  • (not be published)