Prome morto den trafio

Posted on March 16, 2019, 8:10 am
9 secs

ORANJESTAD, Aruba  

Awe diasabra  madruga pa 3:46 central di polis ta wordo notifica cu un auto a bolter na retonde di Super Food. Patruya ta jega na e sitio di e sucedido y ta topa cu un hyundia elantra cora , numera A-64128 . Ta pidi pa materialwagen y ambulance mirando e victima ta pega den e auto. Materialwagen a corta e auto y a saca e victima. Ambulance na e sitio a trata e victima pero lamentablemente no por a haci nada mas . Pa 4:50 dr Texier ta constata morto di Ferdinand Samuel Jonathan HSING , naci na Aruba 20 juli 1987. (31 aña). Specialista di trafico a presenta pa haci nan investigacion . Tambe slachtofferhulp pa juda y guia e famia den e momento dificil aki. Cuerpo Policial ta extende palabra di condolencia na famia di e fayecido.

  

Spread the love
  • 34
    Shares

Leave a Reply

  • (not be published)