Prome biaha den historia politico a keda discubri haciendo mal uzo di su poder como mandatario

Posted on February 26, 2019, 8:47 am
5 mins

ORANJESTAD, Aruba

E Arubiano a studia e sentencia den caso di ex Minister Paul Croes a topa cu diferente dato interesante.

Paul Croes a wordo haya culpabel di tur e acusacionnan cu Ministerio Publico a presenta contra dje, pero cu di algun componente a wordo declara liber cu Corte a haya cu no a keda proba.

Un di e seis acusacionnan ta cu el a haci mal uzo di su posicion como Minister. Un di e ehempelnan cu Corte a duna ta e ordo cu el a duna na un empleado di Labor pa no controla na Restaurant 297, cu ta di un bon amigo di dje. Ley ta bisa cu el a haci mal uso di su posicion, ta ora e tuma un decision pa faborece un persona mientras cu otronan no por tin e mesun previlegio aki.

Pa e acusacion aki Ministerio Publico a duna 4 ehempel cu tur a wordo acepta door di Corte.  Dia 19 id October, 2016 el a bisa N. Kock, kende na Departamento di Labor ta responsabel pa control, pa no tene control den un restaurant na momento cu e ta presente den un establecimento. Dia 5 di November Paul Croes ta na Miami y ta yama Trimon pa e yama Kock y bise cu Labor no ta bay controla awe nochi eynan, pero no a bise si cu mi no ta na Aruba, bise cu mi ta bay ta eynan awe nochi.” Huez ta bi acu cierto momento por tin hustificacion pa duna un ambtenaar un ordo pa no cumpli cu su tarea. Pero den e caso aki e no por ta e caso, pa e imagen di e Minister, pasobra na e momentonan ey e no tabata den e restaurt y e no tabata ni na Aruba. Pues e instruccion mester a wordo duna pa un otro motibo. E tin un relacion special cu doño di e restaurant. Corte ta bisa cu e instruccion aki el a stroba un ambtenaar di haci su trabou y el a previlegia un comerciante amigo.

Tin e caso di Harmony, cu ora cu personal di labor a bay controla, e doño a bira yama e Minister. Paul Croes a duna ordo pa no sigui cu e control y cu e mes lo papia cu e doño. Den caso Yengler, e señora cu a bin traha pa e ex Minister. E tabatin mester di un carta di garantia pa drenta Aruba como turista y ora cu no a logra haya e carta aki e Minister a yama hefe di Inmigracion pa pidie laga Yengler drenta toch sin e carta di garantia. El a manda e datonan pa e hefe y ora cu na drenta e sra toch a haya problema dor cu e no tabatin e carta aki,  Roque Aparicio a bay papia cu e funcionario van Putten den nomber di e Minister. E acusado tabata sa cu Yengler a bini pa Aruba y no por a drenta como turista. Aki tambe el a haci mal uzo di su function.

Un homber di fam Kelly a pidie yud’e hay un tereno commercial. El a pidi Kelly algun caha di cerbez. Pero Kelly a bisa cu e no por duna mas cu un caha. Den e combersacion graba Paul Croes a bisa Aparicio pa bisa Kelly cu e no ta haya e tereno commercial e no duna mas cu un caha di cerbez. E ta pidi un regalo, cu ta contra ley, y ta priminti algo a cambio. Aki tambe el a hai mal uzo di su function.Tur esaki tambe ta poni  den e vonnis. Esaki sigur lo bay pa historia unda cu pa prome biaha un politico a haya castigo debi cu e la haci mal uzo di poder cu su funcion como mandatario di Aruba. 

Spread the love
  • 217
    Shares

Leave a Reply

  • (not be published)