Pasa Buska Bo Karchi Di Vota Pa Elekshon Di Parlamento Oropeo Promé Ku 22 Di Mei

Posted on May 13, 2019, 9:47 am
2 mins

KRALENDIJK, Bonaire  

Siman pasá nan a entregá e karchinan di vota pa Elekshon di Parlamento Oropeo. Mas o ménos 2.29% di e karchinan di vota (292 karchi) no a ser entregá. Si Bo no a risibí Bo karchi di vota, Bo por pasa tuma esaki for di djaluna 13 te ku djarason 22 di mei na departamentu di Registro Sivil na Kaya Neerlandia 40. Si Bo no ta logra pa pasa tuma Bo karchi di vota na departamentu di Registro Sivil promé ku djarason 22 di mei, e ora ei ainda Bo por tuma Bo karchi di vota dia 23 di mei na urna elektoral sentral na Passangrahan. Esaki ta konta solamente pa e 292 karchinan di vota ku no a ser entregá.

Si Bo karchi di vota no a ser entregá i esaki no ta na departamentu di Registro Sivil òf Bo a pèrdè Bo karchi di vota, e ora ei pa mas tardá djarason 22 di mei te ku 12 ‘or di mèrdia Bo por hasi petishon pa un duplikado na departamentu di Registro Sivil. Riba djarason 22 di mei despues di 12 ‘or di mèrdia no ta posibel mas pa pidi un duplikado. Departamentu di Registro Sivil ta habrí di djaluna te ku djaweps for di 8’or di mainta te ku 3’or di tramèrdia.

Dia 23 di mei 12.760 suidadano por vota pa e elekshon aki. Por tin diferente motibu pakiko tin suidadano ku no a risibí nan karchi di vota. Kisas e personanan aki no tin un brivenbùs òf ora ku nan a muda nan a lubida di notifiká departamentu di Registro Sivil di nan kambio di adrès.

E tabèl aki bou ta indiká dikon no por a entregá 2,29% di e karchinan di vota:   


No warda te 22 di mei pa buska Bo karchi di vota. Pasa buska esaki na tempu i bai vota dia 23 di mei!




Spread the love

Leave a Reply

  • (not be published)