Parlamentario Sue-Ann Ras: “Realmente nos mester ancra cada actitud cu nos ta desea di mira den un ley?”

Posted on March 14, 2019, 10:24 am
3 mins

ORANJESTAD, Aruba

Durante conferencia di prensa di dialuna, Parlamentario Sue-Ann Ras a trece dilanti e preocupacion di varios ciudadano relaciona cu e video di e hit & run ultimo. “Ta condenabel y inaceptabel loke e chauffeur a haci, pero ta di lamenta tambe cu 3 chauffeurmas a pasa y no a ni sikiera para pa duna e señora asistencia”, Ras a cuminsa na expresa. 


Actitud y ley

Berdad ta cu nos taactua hopi biaha conforme ley. Pero no por descarta si, cu tin cierto comportacion y/of actitud cu no mester ta ancra den ley, pa uno sa si ta bon of malo. “Mirando loke a pasa ultimo, mi ta puntra mi mes, si no mester ancra tur cos den ley, pa asina nos hendenan sa con nan mester actua, sino tin straf, manera por ehempel na Singapore,” segun Ras. 

Singapore en realidad tin e rate di mas abou pa loke ta trata criminalidad, pero na mesun momento, nan tin e sistema di straf di mas pisa tambe, manera: sutamento cu zweep, horca hende. Ta trata di tipo di straf cu no ta asina aceptabel mas. “Pa mi djis duna ehempel: kauwbals, ‘jaywalking’, uza otro hende su wifi y keda sin flush wc ta ancra den ley y tin su consecuencia sea via un boet of castigo, si bo no cumplicu e ley aki”, Ras a sigui bisa. Cierto actitud mester keda na responsabilidad di un hende tambe, manera ta e caso tambe di uzo di childseat den auto. “Mi tapuntra mi mes, si realmente nos no ta consciente cu si un baby of mucha no ta den childseat, ta peligroso of no ta bon? Esaki ta un ehempel di e tantonan, cu nos ta biba y a lanta den cultura di straf y menasa, unda cu si mi no haya straf of sinti cu ta kita cierto libertad, mi no ta worry. Y si mi papia di scol, mi por bin cu un sin fin di ehempel, manera si bo no trahabo huiswerk, bota haya straf, of no ta hunga pafo.” Huiswerk mester ta djis un responsabilidad y obligacion como alumno, mescos cu bay scol ta un derecho di un mucha. E aspecto di kico ta bon y kico ta malo, mescos cu tin empatia pa otro, mester haya su lugar bek den nos comunidad, ya cu sin cu hopi di nos kier, hopi di nos norma y balornan a desvanece.  

Spread the love
  • 1
    Share

Leave a Reply

  • (not be published)