Parlamentario Jennifer Arends-Reyes(AVP) Mester reenforsa Traimerdia como parti di prevencion social pa hobenan no bai den mal caminda

Posted on June 07, 2019, 11:04 am
5 mins

ORANJESTAD, Aruba  

segun sra Arends-Reyes te ainda esnan cu ta traha na Traimerdia keto bai ta den un incertidumbre mirando cu tin un carta fecha di november 2018 cu cambionan grandi pa esnan di Traimerdia cu te awe ta vigente. Ningun momento e carta a wordo reemplaza pa un otro. Esey kiermen cu Minister di Enseñansa lo corta den oranan di esnan cu ta traha na Traimerdia y cuminsando fin di juni 2019 e cambionan ta bai den ehecucion. Ningun momento ta fake news of oposicion cu ta crea incertidumbre ta e personal ta keda den un bashi sin nada preto riba blanco dus cu tur nan derecho nan tin di vocifera nan preocupacionan. Ta sumamente lamentable cu di tur manera a purba di haña atencion di Minister di un manifestacion dilanti bestuurskantoor pa carta cu preguntanan dirigi na Minister, cu por cierto te cu awe no a ser contesta. Un falta di respet grandi na e trahadornan. E meta di e preguntanan tawata pa purba evita cambionan cu ta den desventaha pa nos hobenan y e supervision continuo cu mester tin na momento cu e muchanan ta na Traimerdia cu obviamente no ta teniendo cuenta cu e parti esencial aki. Traimerdia ta existi pa mas cu 23 aña caba y e demanda pa naschoolse opvang ta mas grandi cu nunca. Si dado caso ta hasi cambionan den personal pa reduci oranan pa motibo di fondonan, ta importante pa Minister ta franco ariba esaki. Cu por cierto den e carta di DPS Dienst Publieke scholen manda pa Bureau Traimerdia si ta papia di ‘bugettaire realiteit’ y ‘schaarste’. Esaki ta mesun presupuesto di Enseñansa cu a pidi den nan palabracion di gobernacion pa bira 6% di Aruba su GDP.

A bin ta ripara cu hopi post di gasto e Ministerio di Enseñansa kier schuif pa otro Ministerio pa no mester deal cu nan, manera e training pa esnan di kinderopvang ta den man di e social crisis plan y e implementacion di e ley mes ta para, tin papia cu lo kier pone Centro Multidisciplinario MDC cu ta cai bou di Enseñansa pa fundacion Respaldo cu ta cai bou di otro Ministerio, esta Salubridad publico y awor ta bahando ora drastico pa esnan cu a draai Traimerdia pa tur e añanan aki. Ta parce un version di ‘mens erger je niet’ ta pasando pa pone skolnan huntu manera e fusering di dos Skolnan pa ofishi toch, cu lo bai contra palabracionan y pa saca diferente otro skol y mandanan otro localidad cu otro tipo di skol, talvez pa scapa fondo sin pensa ariba e consecuencianan. E Ministerio di Enseñansa mester por haña of busca fondonan den Ministerraad pa Enseñansa, den caso cu esaki ta e motivacion tras di e schuifmentonan ad hoc aki. No por ta asina cu ta tumando decisionan repentino pa talvez scapa un tiki sen y despues ta nos muchanan y comunidad ta carga e consecuencia. Nos ta pagando pa un helicopter 200 mil pa luna pa yuda supuestamente cu e percepcion di seguridad pero ta scohe pa manka net proyectonan cu mayornan ta conta riba nan. Por ehempel Traimerdia ta un proyecto cu merece ampliacion y mester di supervision dus oranan di trabou di e begeleiders. Mayornan mester traha, costo di bida ta keda subi y nos sistema di Enseñansa y nos skolnan mester por keda habri pa continua como un ‘safe place’, un lugar sigur pa nos muchanan. Muchanan y hobenan sin supervision of actividad sano pa hasi riba caya of nan so na cas ta bira un peliger pa nan mes, nan famia y comunidad. Spera cu Minister Social por tuma nota di kiko ta pasando pa cu opvang despues di skol, asina 18 miyon pa propaganda y subisidio na fundacionan no lo yega pa aña si di un banda ta inverti y traha plan y di otro banda ta manka proyectonan concreto cu ta brinda un lugar sigur pa mas di mil mucha despues di skol. Minister a indica den un comunicado cu Traimerdia lo continua, pero bou di cual condicionan? Esaki ta e pregunta cu ta keda habri y cu ta causa iritacion y preocupacion bou un y tur sra Arends-Reyes ta termina bisando.

  

Spread the love

Leave a Reply

  • (not be published)