Parlamentario Jennifer Arends-Reyes Hende muhernan na Aruba tin un porcentahe mas halto den participacion den e area laboral

Posted on March 09, 2019, 12:12 pm
5 mins

ORANJESTAD, Aruba

Parlamento pero ta keda na gobierno y sector priva y nos comunidad henter pa ehecuta y implementa esakinan na beneficio di nos hende muhernan na Aruba! Ban sigui traha pa un mihor balansa, kibra stereotyponan cu ta existi na Aruba ainda na aña 2019 tanto na pia di trabou como den comunidad. Hende muhernan tin hopi talento, briyo y ta contribui na hiba nos isla dilanti y spera cu den aña 2019 celebrando dia internacional di hende mihor nos lo por continua mira ehecucion di leynan y cambionan positivo den e mundo di balansa di genero sra Arends-Reyes ta termina bisando.segun sra Arends-Reyes por conclui cu na Aruba e hende muhernan tin un papel sumamente importante den e desaroyo di nos pais. Segun un reportahe di trendnan statistico for di 2016 di 52,400 persona cu ta forma parti di e forsa laboral activo na Aruba un total di 26,420 ta hende muher, cu ta surpasa e 50% y e gran mayoria ta traha full-time mirando cu costo di bida ta sigui subi. Esaki ta trece cune un responsabilidad collectivo pa asina sigui apoya nos sernan femenino pa asina yega na mihor balansa tanto den pago pero tambe mihor trato, comprension y beneficio na trabou. Despues di dos aña por ehempel ainda e ley di crèche no ta den ehecucion, no tin aumento den companianan cu ta contribuyendo na yuda cubri gastonan pa cuido di yiunan di empleadonan, gobierno no a introduci pa desconta fiscalmente momento cu ta paga pa crèche, despues cu Parlamento tawata hopi cla riba e topiconan aki. E gobierno di coalicion MEP-POR-RED a hasta priminti di lo bin cu un ‘staatsCrèche’ pa esnan cu tin dificultad pa paga centro di cuido di mucha pero no a tende nada mas, mester remarca cu te awe no tin claridad ariba e implementacion di e ley pa percura calidad di crèchenan na Aruba. No por keda warda te ora un otro caso lamentabel pasa pa actua. Puntonan clave pa asina yuda contribui pa mamanan por ta na trabou trankil, durante e periodo cu tawata traha ariba e tratamento di e ley di crèche a entrevista diferente persona y instancia na Aruba y ainda tin hopi falta di comprension na trabou pa mayornan of mamanan na momento cu por ehempel e yiu bira malo na skol, pa atende anochi di mayor of si e mama mester kolf lechi y tin su derecho ariba su oranan y no ta hañe manera mester ta of no tin un ‘kolf kamer’ na trabou of no tin comprension ariba e tempo sagrado di verlof. Mayoria hende muher ta traha full-time y tin necesidad pa nan jiunan tin un bon opvang den barionan manera Traimerdia cu merese ampliacion of proyectonan pa hobenan den scolnan secondario manera cu a cuminsa cune bou di gabinete di signatura berde, pa yuda combati cu muchanan y hobenan cai den addiccion di alcohol of droga manera cifranan di e aña pasa ta indica. Na momento cu mama y tata ta traha full-time e opvang na skol y despues mester ta un colaboracion collectivo pa por preveni y alivia situacionan cu lo lamenta despues. Un punto tambe den cuadro di dia internacional di hende muher ta na momento cu hende muhernan na Aruba progresa no kiermen cu hende hombernan ta keda atras, e mester keda den balansa. Hopi biaha ta tende cu hende muhernan ta bisa cu nan kier mas participacion ta tende cu nan ta emanicipa y no mester ningun ayudo of sosten di hende homber. Ainda na Aruba tin demasiado caso di machismo y ‘harrasment’ na trabou y na cas, no tin respet y valor pa e ser femenino manera debe ser. Tin demasiado caso di maltrato di hende muher ta pasa diaramente ariba nos isla, tanto abuso sexual, verbal y fisico. Esakinan ta cosnan cu no ta yuda nos comunidad y tin impacto sumamente negativo ariba nos muchanan y hobenan. Salud mental y fisico di nos hende muhernan ta core peliger si sigui acepta nos ‘status quo’ asina. Hende muhernan na Aruba mester sa cu nan aporte ta valioso, durante transcurso di añanan a logra cu e diferencia den pago ta menos pa e mesun trabou cu hende homber, a logra hopi ley y decisionan den

Spread the love
  • 1
    Share

Leave a Reply

  • (not be published)