Parlamentario Endy Croes: Hospital mester un overhaul. Directeur y Raad van Bestuur mester wordo manda cas!

Posted on May 13, 2019, 10:30 pm
4 mins

ORANJESTAD, Aruba    

Parlamentario Endy Croes a baha pisa riba e situacion na Hospital durante conferencia di prensa di Fraccion MEP dialuna ultimo. Segun e Parlamentario tin hopi cos ta canando schuin den hospital y cu tempo ta pasando. Pueblo a pidi pa un cambio y ta momento pa nos move padilanti haci locual pueblo ta spera di nos. En realidad tin tanto problema cu a wordo hereda banda di problemanan financiero, social y ladronicia di tereno cu Mike Eman y AVP a laga atras. E Parlamentario a splica cu lo acerca e Minister encarga pa tuma decisionnan pragmatico y pone e bala cuminsa lora. Segun Parlamentario Croes cabes di Directeur mester cay y alabes mester haci un schoon schip y sigur un structura y statuut diferente. Actualmente poder no ta den man di esnan cu ta pone placa.

Fiesta ta sigui den hospital

AZV por ehempel cu ta paga rond 90% di tur tratamento y ta representa casi tur entrada di Hospital ta para pafor ta mira y no tin ningun zeggenschap of control riba gastonan devastador di hopital. Gobierno igual tin 2 representante den minoria mientras que siga la fiesta den hospital. Endy Croes a refuta cu den e situacion penoso cu hospital ta pasando aden e Directeur recientemente ta aproba 300 mil florin pa un curso pa management MD traject y ta lanta su bela bay Hulanda tres siman di vakantie despues. Esaki sigur no ta prioridad. Directeur ta duna un amigo di dje un tal Cris Hubbers un contracto di 200 mil florin como consultancy. Laboratorio FSLMA ta sangrando y no tin reagentia. Bestelling pa loco den 2018 sin control di productonan pa Laboratorio cual awor a expira y recien a benta como 400 mil florin na producto afor. Un maneho di sky is the limit y mester tin hende ta para responsabel pa e maneho descabeya aki. Ta sigui yena hospital cu vakantiegangers y no ta haci ningun intento pa structura den combinacion EPI por ehempel un opleiding unda nos yiunan di tera cu sali di e scol aki por sluit aan. Kico ta e vision real di Top di hospital?

Un maneho sin vision y sin rumbo

Parlamentario Endy Croes ta splica cu e no sa ken tur ta aden pero ta momento pa un schoonschip y ta pidi cariñosamente pa tur cuminsando di Directeur, Raad van Bestuur, Raad van Toezicht boluntariamente cuminsa entrega retiro. Fraccion di MEP ta bay enfoca duro den dianan nos dilanti e rumbo nobo cu mester bini den hospital. Pueblo na final ta esun cu ta saliendo perdi di decisionnan descabeya cu un maneho sin vision y sin rumbo unda aparentemente un grupo hopi selecta ta haciendo tur tipo di negoshi cu hospital. No lo descarta un Encuesta Parlamentario tanto riba e construccion y operacion. Awor ta e ora y ta spera cooperacion di gobierno y esnan encarga riba informacion concreto cu Parlamento ta dispone di dje pa asina pone e bala cuminsa lora. Parlamentario Croes a splica di lo lag’e te akinan pa awe y pronto lo continua brindando pueblo informacion di desaroyonan riba e tema di hospital. Schoonship ta na su lugar.

Spread the love

Leave a Reply

  • (not be published)