Parlamentario Alan Howell Accion mesora!

Posted on June 10, 2019, 2:25 pm
2 mins

ORANJESTAD, Aruba        

Parlamentario Alan Howell a duna di conoce cu siman pasa el a bay disfruta di un tremendo partido di Little League Baseball entre South cu North na Pos Chiquito Ballpark. Ora e tabata eynan, mayornan y fanaticonan a acerca Alan Howell cu e peticion bin cu mas parkeerplaats debi cu no tabatin suficiente lugar pa para. Mirando cu e fin di siman aki cu ta tras di lomba tabata e final, tabata di spera cu lo tabatin mucho mas fanaticonan cu lo a yega e veld.

Teniendo na cuenta esaki, parlamentario di POR mesora a tuma contacto cu ministernan Otmar Oduber y Dangui Oduber y nan tur dos a compronde e situacion y a duna nan cooperacion pa logra un solucion. Minister Otmar Oduber y DOW a zorg mesora pa accion tuma lugar mesora.

A roza e tereno rapidamente pa por a haya mas lugar di parkeo.

Alan Howell a indica cu e ta hopi contento di por a haya e sosten di gobierno na momento cu el a presenta e peticion di pueblo. E ta kere cu esaki ta e caminda cu tin cu bay, tur hende ta bisa cu mester haci deporte grandi y esaki ta un forma tambe di yuda logra e meta aki.

Howell a gradici e mayornan y fanaticonan cu a deposita nan confiansa den su persona pa transmiti e peticion na gobierno. Igualmente el a gradici ambos minister Oduber y na DOW.

Alan a remarca cu e tey pa scucha pueblo y pa cumpli cu pueblo te unda cu e por y awe ta cumpliendo cu deporte, pasobra un deportista mas ta un delincuente menos.No por a laga afo e resultado di e e final di Little League Baseball, den cual e muchanan di South Leauge 11-12 aña a titula campeon y den gran forma. Alan a manda un pabien grandi pa nan y  tambe pa nan manager, coachnan y mayornan. Awo nan lo representa Aruba na Corsow. Tambe el a felicita e muchanan di Center cu a titula sub campeon.

            

Spread the love

Leave a Reply

  • (not be published)