Paradise Beach Villas ta celebra su Aniversario di Plata

Posted on July 09, 2019, 11:51 am
6 mins

ORANJESTAD, Aruba 

Paradise Beach Villas a celebra su di 25 aniversario riba 4 di Juli, 2019, conmemorando su fecha di apertura cu Bougainvile Development, bou liderasgo di Lee di Giovanni, na 1994.

E resort actualmente a habri su portanan na 1988, pero como e compania di maneho original a encontra contratiempo, manera un fenix cu ta lanta for di su cenizanan, Lee di Giovanni a tuma e iniciativa di recohe e piezanan y hasi di e Resort e legado di su trabou maske cu e tawata simplemente un doño preocupa.

E fiesta di aniversario a conta cu presencia di guest, doñonan y dignitario y a tuma lugar den e lobby di e resort cu dushi cocktails, riba dialuna 1e di Juli.

Emcee Bianca v/d Biezen a duna e publico un saludo caluroso y a invita General Manager Freddy Albertus pa hiba un discurso di apertura na e reunion festivo.

Albertus a gradisi di Giovanni pa su curashi y prevision y a gradici tambe su dos yiu hombernan, Alfred y Michael di Giovanni, presente cu nan famia, pa hasi e viaje pa Aruba

“Mientras Lee no ta cu nos mas,” ela bisa,” su legado a supera e imaginacion di cualkier di nos, y nos tur por ta orguyoso di loke ela cuminsa na Bougainville Development, den su rol como un hotelier apasiona.”

Riba un nota personal Albertus a añadi cu ela cuminsa bou di guia di Di Giovanni 18 aña pasa cu niun conocemento di timesharing pero di Giovanni tawata su mento y a siñele tremendamente bon.

Paradise Beach Villas su exito, Albertus a comparti, ta sigui crece danki na e stakeholders comprometi, miembronan di Board y e Directornan General, doñonan di timeshare, managernan di departamento y miembronan di team. Siendo e Timeshare didos mas chikito na Aruba, e ta orguyoso di e propiedad su status eleva como un Select Resort cu Interval International. Paradise Beach Villas tambe a bira e didos Hotel na Aruba pa ricibi e plakkaat di Aruba Certification orienta pa Servicio excepcional.

Albertus tawata satisfecho cu e averahe di añanan di servicio entre e trahadornan di hotel ta 18 aña y e cantidad di proyectonan di renovacion cu a keda cumpli na e propiedad sin mester di prestamo di banco. Esaki ta un testimonio na e salud financiero di e operacion, resultando na un clasificacion superior entre hotelnan riba Eagle Beach.

Un logro unico, segun Albertus, ta e BBQ anual caminda famianan cu ta huesped di e timeshare ta haci compras, cushina y sirbi miembronan di staff. Un tradicion di tres aña te awor, cu ta disfruta y semper aprecia como gesto di gratitud di e guestnan pa nan anfitrionan local.

Como conclusion di su discurso, Albertus a gradici su concesionarionan, Asi Es Mi Peru y restaurant La Terrazza Italiana pa nan contribucionan culinario pa e hotel y a expresa su deseo pa e proximo 25 añanan por ta fructifero. Ela invita guest pa wak e pantayanan pa un compilacion di memorianan, proyecta como un nota di Thank You. “Nos no por a hasiele sin boso tur,” ela conclui.

Durante e charla cu s sigui, e CEO di Aruba Tourism Authority Ronella Tjin-Asjoe-Croes, a declara cu e isla di Aruba e beneficia di su relacion cu e industria di timeshare. Despues ela tuma su tempoa pa expresa su gratitud, gradiciendo cada guest pa su lealtad na e isla y su hendenan, y a remarca di ta humilla pa e amor profundo y conocemento di e isla cu ela experiencia di e owners na Paradise Beach Villas.

Premionan di Servicio a wordo presenta na Empleadonan celebrando 5, 10, 15, 20 y 25 aña di Servicio, tres colega bahando cu Pensioen y a reconoce tambe colega cu a cumpli 21, 21 y 17 aña di servicio.

Dennis Hullman, Presidente actual di Board a expresa su placer den mira e progreso di e hotel atraves di añanan y a felicita owners, maneho y staff.

Jim Pritsiolas, Secretario / Tesorero di Board a presenta un premio sorpresa na Fred Noemer, un di e Miembronan di Board cu a sinta pa mas aña.

Un oportunidad pa prensa saca potret y clausura pa Managing Director Andy Osborne, y palabranan di felicitacion pa e Presidente di Aruba Timeshare Association Luigi Heredia a finalisa e occasion memorable, un cuarto di un siglo di excelencia den hospitalidad.

  • 7398 – Jessica Robles de Medina – Retiring Employees
  • 7425  – Casimiro Irausquin – Retiring Employees
  • 7417 – Willy Panopio – Retiring Employees
  • 7272 – Freddy Albertus – Managing Director during the opening remarks
  • 7314 – Ronella Tjin Asjoe-Croes – Director of Tourism in her address
  • 7500 – Bianca van der Biezen – MC 
  • 7323 – Luigi Heredia – ATSA President during his address
  • 7490 – Andy Osbourne, Managing Director with the vote of thanks
  • 7444 – Dennis Hullmann, Chairman of the Foundation Board during his address
  • 7468 – Fred Noemer receiving his long-serving Board award from Jim Pritsiolas 

                   

Spread the love

Leave a Reply

  • (not be published)