ORANJESTAD, Aruba

Miangela Ras Wever ta un di e famianan di Casa Rosada, su mayornan ta descendiente di Casa Rosada den Wilhelminastraat un cas cu sigur ta un hoya di edificio y cu tin su historia rico na dje. E famianan a tuma nota Monumenten Bureao a pone un plakkaat dilanti di Casa Rosada y a famianan a celebra esaki hopi , pero na momento cu a bay mira kico ta poni riba e plakkaat e famianan a haya un shock di e historia cu no ta completo.

Segun Miangela Ras Wever e dos personanan cu a keda engarga pa a traha e historia riba e plakkaat tabata ful robes den e historia original di e cas. Riba e plakkaat tin skirbi na ingles ‘’ This Townhouse was commissioned by Julio Habibe in 1904’’ Esaki ta completamente eroneo, segun Miangela Ras Wever. Den aña 1904 Julio Habibe tabatin 11 aña y tabata biba na midden Oost ainda. Na 1898 mi bisawela Andries Adriaan Lacle y Henriette Jacoba Lacle Wever cu tabata casa cu otro a cumpra e cas den Wilhelminastraat e tempo ey. E cas a keda den poder di famia Lacle Wever te den añanan 1923 cu mi bisawela a fayece.

Historia y famia ta conta cu na su cama di morto Julio Habibe cu e tempo ey si tabata na Aruba y tabata bende boton riba caya a bin huur un camber di e cas, asina a bin namora di e yiu mayo di mi bisawela y na cama di morto a laga mi bisawela firma un documento na un manera un tiki inconvencional cu su casa cu ta e yiu muhe mas grandi lo keda e unico heredero di tur cos.

Sinembargo como famia nos tin nos tradicionnan oral y nos sa e berdad y a dicidi cu lo laga tur e defuntonan ey sosega na pas, pero pa e famia ta importante pa Monumenten Bureao rectifica mesora kitando e plakkaat actual cu no ta contando e historia berdadero pa asina pone un plakkaat cu si ta conta e historia real. Famia Wever Lacle tin tur documento original di e historia di e cas. Sinembargo famianan ta haya cu ta increibel cu dos persona cu no conoce e historia di Aruba mester wordo paga pa traha un plachi cu no ta conta e berdad. Como famia a reuni y ta exigi Monumenten Bureao kita e plakkaat debi cu e no ta cuadra cu e historia original di e cas y di e hendenan di Aruba. Mester bisa cu na 1888 e pareha Lacle a cumpra e cas y no a traha e cas , dus esaki ta significa cu e cas aki ta traha algun aña prome cu 1888 caba y no den aña 1904 manera ta poni riba e plakkaat.

 

Spread the love

One Comment to: Pa famia di Casa Rosada ta importante pa Monumenten Bureao rectifica e historia mesora

  1. Reinelda Solognier Wever

    December 14th, 2016

    Si, mi bisawelo a cumpra e kas dia 14 di maart anja 1898, ya e kas twt trahá kaba. Su fundeshi twt traha pa 2 piso kaba. Jammer cu nos no sa ta ken twt esun cu a trahele, pero si nos ta sigur cu ora nos bisawelonan Adriaan Andries Laclé y Jacoba Henriette Wever a cumpra e kas, ya e kas tawata existí kaba. Su yiu mohé Natividad Johanita cu a casa hopi anja depes cu Habibe, a kaba di hasi 6 anja dia 25 di december. Habibe mes twt tin 4 anja e fecha ei, pasó te cu 20 di July di e anja ei, e a hasi 5 anja y bibando na Jerualem kaminda e a nace. E fecha 1904, nos no sá unda e a sali, pasó oorspronkelijk e twt 1903 cu ta e anja cu e ultimo yiu di e famia Laclé Wever a nace; cu twt mi Wela, Petra Laclé.

    Reply

Leave a Reply

  • (not be published)