Pa corte a keda proba cu Paul a uza casi 60 mil di fundacion pa cosnan priva

Posted on February 26, 2019, 7:14 pm
3 mins

ORANJESTAD,Aruba

Esaki tabata un di e motibonan pakico ex Minister Paul Croes a wordo haya culpabel di a malversa fondonan di e fundacion cu el a lanta pa recauda fondo pa su campaña politico. Pero mester haci un distincion di loke ta pa e imagen di un politico y loke ta gastonan priva. Esaki ta para den e sentencia di Paul Croes den caso IBIS, unda cu e tabatin seis  acusacion contra dje.

E fundacion a wordo lanta na 2012 cu e meta pa recauda fondo, administra, maneha y uza fondonan cu ta destina pa e campaña electoral di Paul Croes den e eleccionnan Parlamentario.  Ministerio Publico den su rekisitorio a bisa cu Croes a uza 99.596,73 florin contra e metanan di e fundacion politico. Aunkde cu Croes a bisa cu esaki no ta e caso, Corte a yega na e conclusion cu cierto cantidad di placa a wordo uza cosnan netamente priva di dje.

 Ta papia specificamente di pago haci riba creditcard, compra di joyas y pago di un debe di estudio. Banda di esaki tambe tin e pago cu a haci pa instalacion di airco na su cas, y den esaki a uza placa di e fundacion.  E ta bisa cu a haci esaki pasobra e ta atende publico na su cas desde cu e oficina na Noord a cera, pero di otro banda e ta bisa cu e tabata un prestamo. P’esey Hues ta bisa cu e hecho cu e mes ta papia di un prestamo ta pasobra e  mes ta kere cu e Stichting no tin deber di carga cu e gastonan aki. 

Si a haya den un saco un cantidad di recibo cu ta yega rond di 27 mil florin cu si por wordo considera aspectonan di “representatie kosten” y e suma aki ta wordo kita for di e total cu OM a acuse di malversa, y tambe e carchinan di concierto cu a wordo cumpra y parti rond (aunke Hues ta bisa cu no prueba cu e carchinan aki no a wordo entrega gratis). Pues e suma cu ta keda proba cu el a malversa tabata un tiki mas di 55 mil florin.

Spread the love
  • 120
    Shares

Leave a Reply

  • (not be published)