ORANJESTAD , Aruba
E ta Oficial ! Na cas di cultura oficialmente Lider di Plataforma ‘’E Forsa Nobo” Otmar Oduber a yama bon bini na Andin Bikker den e plataforma aki. Segun Otmar Oduber e plataforma aki ta uno hopi transparente y ta pesey mes ta uni grandi den grandinan hunto pa traha pa pais Aruba. Parlamentario Andin Bikker tin un trayectoria largo den politica y a sa di mantene su sosten den e comunidad di Aruba y a forma parti di e politica di Aruba cu PDR pero tambe prome cu PDR. Loke cu ta bunita di e trabao aki ta cu den parlamento berdaderamente tabatin debatenan fuerte den parlamento , pero semper cu un respet mutuo y grandi pa otro y semper a trata esaki na interes general di Pais Aruba. Lider di E Forsa Nobo Otmar Oduber ta kere cu e principionan aki y e vision cu tin den futuro di loke cu Andin Bikker a para pe y tambe su organisacion ta para pe , awe por bisa cu esaki ta netamente cu a conduci di a firma un protocol pa traha hunto na bienestar di e comunidad y cu ta un muestra di e politica cu ta papia di dje ta un politica di mente habri.
E Forsa Nobo ta e politica cu lo dirigi su mes na bienestar di pais Aruba y cu kier sirbi e pueblo di Aruba. Parlamentario Andin Bikker ta kere cu na momento cu un persona ta dicidi di drenta politica ta paso bo tin curason pa yuda bo pais, pero pa logra esaki e pueblo mester por duna e confiansa pa por drenta gobernacion. Bikker ta agradecido na momento cu Otmar Oduber hunto cu su plataforma a acerca PDR su organisacion pa por forma parti di algo mas grandi den bienestar general. Den e parti aki PDR semper a traha den bienestar di e pueblo di Aruba y ta pesey a dicidi cu lo sinta na mesa pone e diferencianan di opinion un banda y basha awa den biña di ambos banda pa asina uni forsa den bienestar general. Parlamentario Andin Bikker cu hopi placer y honor lo firma e protocol entre E plataforma E Forsa Nobo hunto cu Partido Democracia Real .
E contenido di e protocol ta bisa basicamente cu despues di 30 aña di status aparte gobernacion di nos pais ni e nivel y ni e tipo di desaroyo cu nos pueblo merece y ta desea , cu ta un desaroya balansa y sostenibel unda cu tur hende ta sinti cu nan ta forma parti di dje y cu ta disfruta igualmente di dje, cu otro palabra un desaroyo cu henter nos pueblo ta orguyoso di dje. E historia politico di nos pais a mustra ,mescos cu di mundo a mustra cu union ta haci forsa y cu ta desea pa uni forsa pa nos por via di e plataforma politico E Forsa Nobo participa e presentacion di lista conhunto na e siguiente eleccion cu ta planea pa tuma luga aña 2017. Partido Democracia real ta sostene e ideanan aki debi cu ta pa e motibo aki PDR a lanta y a vocifera esaki na aña 2014 pa asina por logra trece e cambio y hiba politica na e manera con ta hiba gobernacion na Aruba. E plataforma politico nobo E P.O.R , E Forsa Nobo lo ta bay ta un liderazgo comparti caminda ta bay aporta di ambos banda miembronan pa loke ta trata e directiva di e organisacion nobo cu ta e cuna di union cu ta bay yama P.O.R Pueblo Orguyoso y Respeta cu lo wordo incorpora diadomingo awor na cas di Cultura pa 10 or di mainta.
