Nos Ke Boneiru Bek no ta komplise I lo no kopera ku gobernashon illegal

Posted on May 02, 2019, 1:31 pm
5 mins

KRALENDIJK, Bonaire

NKBB a wordu spesialmente invita pa kontribui ku programma di gobernashon I ku esaki ta deklara na gobiernu marionetta di Hulanda ku nos ta mira esaki komo un otro trampa falsu ku otro argumento falsu I manipulativo pa laga e pueblo kai aden ku ta e mes a partisipa den e proseso pa legalisa e status ilegal aki.

Nos ta hasi un yamada riba e pueblo pa wak e asuntu aki mas di serka I kritiko ta ken a wordu invita ku ta mesun nan ku ta di e grupo Si i ta kontra pueblo I su derecho di outodeterminashon. Ta esnan ku no kier asepta ku e pueblo a rechaza e status illegal aki ku 66% den referendum di 2015 ni tampoko ke rekonose e boycott massal di e pueblo malkontentu ku no a vota den ultimo elekshon. Esaki apesar ku e gruponan Si aki a mobilisa I organisa tantisimo forumnan manipulativo I posiblemente a finansia I kumpra miles di volmacht I korumpi e ultimo elekshon: gruponan ku a wordu invita ta e.o.: organisashonan di komersio enkabesa pa Kamara di Komersio, organisashonan bankario, organisashonan di protekshon di naturalesa, etc etc  

Gobierno gutu ku ta koalishon di UPB I MPB ku ta e vershon alternativa I nobo di e mesun UPB den bachi di kos nobo riba ordu di Hulanda ta sigui mesun prosedura ku nan a purba despues di e resultado di referendum 2015 pa aserka asina yama “stakeholders” pa kolabora ku nan ilegalidat.  Nan ta buska sosten atrobe di komunidat pa bolbe probecha di e pueblo su nobleza I humildat pa ta komplise pa nan sigui goberna den un status illegal.

Ta hypokresia di net un gobiernu konsitiendo di lidernan I deputadonan manera Elvis Sjin Asjoe I Nina den Heyer tur dos ku tin e vishon I deklara esaki publikamente di “no por kome pan ku outonomia”  ta un gobierno sin poder i ku tin ku sigui ordu di loke Hulanda den 2de kamer I 1ste kamer ta disidi. Awor nan kier manipula I enganja e pueblo ku a demonstra nan malkontentu atrobe 20 mart ku un otro trampa ku nan lo usa bek kontra e pueblo mes I bisa ku ta e pueblo mes ke esaki I ta deseo di pueblo nan ta representa.

Loke gobierno mester hasi ta hopi simpel. Mester sigui mandato I ordu I deseo di e pueblo ku a papia kla I desisivo ku mester sali for di e status illegal aki ku e mesun politikonan di e gobiernu aki mes a kopera ku Hulanda pa ankra e pueblo Boneriano den konstitushon Hulandes sin derechonan igual komo suidadanonan di segundo rango I hamas  komo gobierno di Bonaire lo por kambia esaki pa e pueblo.

Por ultimo nos kontribushon I alavez konseho na prinsipalmente esunan den gobierno ku lo bai wordu usa dor di e gruponan ariba menshona I dor di Hulanda kontra nan mes pueblo ta pa tene kuenta ku kon humilde I pasifiko e pueblo por ta parese di ta, lo jega un dia I sperando ku esaki lo ta pronto, ku e pueblo mes lo salba su mes. I meskos ku e gobierno di Hitler tabata legal I tabata trahando ley den nan bista ku tabata legal pa elimina inosentenan boso komo kolaboradonan tambe lo bai den historia ku boso tabata komplise pa a yuda kopera ankra I  mantene e illegalidat I krimen kontra e pueblo I kontra humanidat.

E uniko solushon ta pa re-list Bonaire bek riba lista di teritorionan-sin-propio-gobernashon I kai bek bao di protekshon di Nashonan Uni. NKBB ta aktivamente kanando e proseso aki ku lo ta e yabi pa un miho Bonaire.

                 

Spread the love

Leave a Reply

  • (not be published)