Na Cuba y rond Mundo Santa Barbara ta Chango y Vice versa hopi ta celebra e dia aki

Posted on December 04, 2018, 2:17 pm
4 mins

ORANJESTAD,Aruba

Pa e Cubanonan Santa Barbara ta representa un poder enorme. Tin hende ta mire como e santo católico venera kende a wordo decapita door di su mama debi na su fe. Otronan, manera Changó, un di orinchanan mas popular di e panteon cu e esclavonan Africano a trece pa e isla. Di un of otro forma, e ta wordo alaba den forma fervor door di miles di devoto na henter e pais.

Cada cuatro di december e hendenan ta pone ofrendanan na nan virgen y ta cende un bela pa e cuida nan yiunan y permitinan prospera den nan negoshi pa pronto por cumpra un cas propio.

“E Cubano ta haya su mes obliga pa medio di religion busca algo den kico pa kere, pa no entrega nan mes di e presion di tur e problemanan cu nan tin; for di cuminda te cu transporte, of cas,” e hoben Dayanara di 32 aña a splica.

Di acuerdo cu un miembro di Iglesia Catolico na Cuba, Evarista (76 aña), “nos ta un pueblo mestiso. E esclavonan color scur a bini cu nan creencianan Africano y a incorpora nan den e Santonan Catolico pa por haci nan ritualnan. Esey ta nifica cu e devocion na Santa Barbara no ta wordo traduci den un amor pa Cristo.”

“Den e imagen di e catoliconan, Santa Barbara a biba den siglo IV den cercania di Constantinopla y ta wordo adora tanto na Occidente como Oriente. E ta carga cun’e un spada cu cual su tata Doiscoro a corta su cabes y ta resa na dje contra mal temponan y peligronan di morto repentino pasobra su verdugo a wordo castiga di repente door di un lamper.

“Mas cu un guerra, Santa Barbara ta forma un simbolo di fe inkebrantable, cu normalmente ta wordo asocia cu un corona y un mantel cora. E ta wordo representa tambe tin biaha cu pluma di Pavo Real pasobra e animal aki ta simbolo di resureccion y inmortalidad,” e anciana ta conta.

Segun Reinier ta corda, “apesar di ta yiu di Caridad di Cobre, riba e fecha di 4 di december e ta pone un ofrenda frotal na Santa Barbara pasobra el a sacami di prizon. Mi tabata preso y nan a liberami e mesun dia cu nan a cerami pasobra mi a pidi ayudo na Changó. P’esey mi ta pone “prins preto”, pasobra esaki ta su flornan faborito, banana, appel y biña cora of biña seco.

“Changó ta e cos di mas grandi cu tin. Un di e shete ponencianan Africano. E ta un santo cu ta wordo asocia cu e solucion di problemanan, sea cosnan malo of bon. Nan ta bisa cu Changó tin miedo di mortonan, pero loke cu ta pasa ta cu e ta representa e alegria, baile, musica, candela, forsa viril y bida.

“Tanto Changó como Santa Barbara ta duna nos salud, prosperidad, afecto, misericordia. Mi ta busca unda tin un palma, mi ta mishi cun’e, mi ta yam’e y ta pidie pa protege mi sernan stima. E ta wordo relaciona tambe cu e donder y number 6. E ta castiga pisa y ta protege e muchanan. E ta esun na kende semper nos ta reza pa un solucion rapido den cualkier problema.” Por mira e articulo aki tambe riba www.cibercuba.com

 

 

 

 

Spread the love
  • 18
    Shares

Leave a Reply

  • (not be published)