Na Corsou: No ta detene ilegal mas

Posted on March 23, 2019, 2:47 pm
3 mins

WILLEMSTAD, Curacao

E situacion actual entre Venezuela y islanan ABC tin auoridadnan man mara. Cos ta saliendo for di man pasobra e centronan di detencion na e.o. Aruba ta yenando y ta causando gasto extra pa presupuesto di Aruba.Na Corsou Polisnan a bisa cu ta basta. E situacion a yega unda cu hopi ta bisa no mester a yega. Venezolanonan cu yega Corsou den forma illegal, pues den lancha, no ta wordo deporta mas. En realidad nan no por wordo deporta tampoco pasobra no tin conexion aereo ni maritimo Esaki despues cu a cera e fronteranan. For di e tempo ey aki na Aruba y e otro islanan autoridadnan ta man mara. Na Corsou a surgi un situacion den fin di siman unda cu Polisnan a topa cu un grupo di 16 di e 20 hendenan cu a yega e isla den oranan di madruga. Nan a drenta via di Oostpunto. Pa sorpresa di e propio Venezolanonan, Polis a tuma nan datonan, y despues a laga nan bay. Den entrevista di Umpi Welvaart  por a mira cu algun di e hendenan aki, nan a bisa awo nan ta bay busca trabou pa haya algun placa pasobra situacion na Venezuela ta insoportabel. Tin di nan mester a bende diferente cos di cas pa yega na 500 dollar cu e biahe pa Corsou ta costa. E placa cu nan cana, nan ta mira forma con e por yega Venezuela via otro paisnan of via di e lanchanan cu ta yega cu ilegalnan. E situacion aki lo mira of causa un avalanche di Venezolanonan cu lo trata di drenta Corsou. E ciudadanonan sigur no ta content pasobra e lo por tin consecuencia pa e población local, criminalidad ta aumenta, pero atrobe Polisnan no por haci nada mas.Aki na Aruba ainda ta detene e personanan pa nan wordo deporta,Consecuentemente pais Aruba ta haya su mes confronta cu gastonan extra riba presupuesto, no solamente pa cuminda, pero pa nan cuida y gastonan medico. No ta conoci si na Aruba lo bay tuma e mesun decision cu Polisnan na Corsou.Hecho ta cu e miho solucion ta un vigilancia estricto riba lama pa evita e travesia di 8 ora largo cu e Venezolanonan ta pasa aden pa yega e islanan aki. Trata di atrapa nan na e frontera riba lama y debolbe nan for di eynan mes pa evita cu nan yega costa y causa gasto pa Aruba.

Spread the love
  • 289
    Shares

Leave a Reply

  • (not be published)