Mocion di Ricado Croes no a keda sosteni debi cu ningun parlamentario no a haya esaki pa lesa

Posted on December 16, 2018, 9:37 pm
3 mins

ORANJESTAD,Aruba

Tratando e di dos rond di pregunta den tratamento di presupuesto di Minister Dangui Oduber a habri e lista bek pa haci pregunta e di tres orador di e anochi tabata Parlamentario Ricardo Croes, y na unda cu e la bin cu un mocion. E parlamentario tabata hopi sentimental den parlamento y tabata splica su mocion, pero segun cu por a compronde for di e otro parlamentarionan di MEP e no a entrega e mocion na nan y na e otro parlamentarionan pa lesa su mocion y asina nan por dicidi  si nan ta bay sostene e mocion si of no.

E realidad ta tin dos manera pa por haña sosten di un mocion , un di nan ta na momento cu e lider di fraccion presenta esaki y e pasa na e parlamentarionan pa nan lesa e mocion y sin nan ta sostene esaki nan lo firma e mocion y na momento cu Parlamentario Ricardo Croes presenta esaki na parlamento cu e firmanan esaki ta significa cu e mocion a keda sosoteni.

Tambe tin e otro manera , cu ta e manera cu Parlamentario Ricardo Croes a scoge pa haci unda cu e mes ta presenta e mocion , splica e mocion den parlamento y haci entrega di esaki serca president di parlamento y na unda cu president di parlamento ta haci e pregunta den sala na tur parlamentario  kende ta sostene e mocion.

Den e caso aki e informacion cu E Arubiano ta disponi di dje ta cu parlamentarionan no a haya e mocion pa lesa y esaki ta pone cu nan no lo por sostene un mocion cu nan no a lesa , y esaki a sosode tambe na momento cu president di parlamento a haci e pregunta general den sala. Sinembargo tambe E Arubiano a compronde cu tog lo bay check cu presidente di parlamento y tambe cu parlamentario Ricadro Croes riba e mocion pa asina mira kico lo pa haci tog prome cu e reunion termina. Segun Presidente di Parlamento na e momento ey cu e mocion no a wordo sosteni Parlamentario Ricardo Croes a dicidi di bandona sala y na e momento ey sala ta keda cu menos hende y no tabatatin corum banda di e otro parlamentarionan cu no tabata presente y esey a conduci cu mester termina e reunion y yama esaki bek dentro di 4 dia.

Spread the love
  • 29
    Shares

Leave a Reply

  • (not be published)