Minister Armando Rudy Lampe: Dr. Joyce Pereira A Presenta Parti Di Su Desertacion Na Dea

Posted on January 09, 2019, 6:08 pm
22 secs

ORANJESTAD, Aruba      

Recientemente a tuma luga un encuentro ameno na Departamento di Enseñansa Aruba, caminda Dr. Joyce Pereira a presenta parti di su desertacion pa algun seccion di dicho departamento.

Dr. Joyce Pereira a splica e trayectoria pa por a logra su tesis titula “Valorization of Papiamento in Aruban society and education, in historical, contemporary and future perspectives” y alabes a presenta algun parti di su tesis.

E contenido en general ta un compilacion di resultado di varios aña di investigacion di e posicion di idioma Papiamento den sociedad y nos sistema educacional na Aruba.

Na final di e encuentro diferente hefenan di varios seccion na DEA a ricibi un ehemplar.

Minister Armando Rudy Lampe: “Un biaha mas masha pabien na Dr. Joyce Pereira cu e logro balioso aki pa nos idioma Papiamento y alabes pa Aruba. Spera cu esaki por ta un estimulo pa mas hende den nos comunidad pa mira con bo por logra bo meta cu hopi motivacion y perseverancia”!


              

Spread the love
  • 2
    Shares

Leave a Reply

  • (not be published)