MEP: Partido Mep A Cende Pagara Dilanti Cede Na Santa Cruz Den 2019 nos lo continua cu fe y positivismo pa sigui pone e ser humano central

Posted on January 02, 2019, 9:50 am
59 secs

ORANJESTAD, Aruba    

Faltando algun dia pa aña 2018 termina, diasabra ultimo, Partido MEP a tira e tradicional pagara na Cede di MEP y a haya tambe e tradicional Dande. Simpatisadornan y sostenedornan di Partido MEP a aglomera pa asina gosa hunto cu candidatonan y Lider di MEP y alabes Prome Minister di nos pais Evelyn Wever-Croes y despedi di aña 2018.

Minister Dangui Oduber na e ocacion a cende e pagara cu a bira un tradicion di nos partido cu e sentimento pa gradici pa e cosnan bon cu 2018 a brinda Aruba. Alabes, nos a yama 2019 un bon bini bou di animacion di e tradicional Dande di Eric Ras y su Grupo. E publico presente a gosa di un ambiente ameno di positivismo y speransa pa un aña nobo yen di prosperidad.

Lider di MEP, Prome Minister Evelyn Wever-Croes a gradici tur esnan cu ta sostene Partido MEP y cu ta yuda den e trabounan duro di partido y a expresa su deseo di por sigui conta cu e sosten y ayudo den 2019.

“Mi tin confiansa cu 2019 lo ta un miho aña cu 2018. Partido MEP a scoge pa pone e ser humano central, pa brinda oportunidad na tur hende, sin laga ningun hende atras. Nos a cuminsa cu e trabou grandi aki den 2018, y nos lo continua cu fe y positivismo den 2019. Di curason danki. AyNob’e!, Lider di MEP a expresa den su palabranan di encurashamento.

Spread the love
  • 9
    Shares

Leave a Reply

  • (not be published)