KPA ta cla pa parada di flambeu 2019

Posted on January 05, 2019, 10:49 am
43 secs

ORANJESTAD,Aruba

MACUARIMA, ARUBA: Ayera 3 januari 2019 na Cede di SMAC a tuma lugar e prome reunion cu tur Stakeholders nan cu ta involucra den Carnaval 65. Un Reunion cu a bai den bon ambiente.

Pa KPA Hefe di Polis uniforma Comisario Sra. Irma Gordon ta na cabes y ta cla pa e temporada druk di carnaval. “Tur cos ta den man di SMAC pa carnaval 65, pero si tin algun problema of mester di sosten di polis KPA ta para den banda pa brinda e seguridad tanto pa e publico y participante” tabata e palabranan di Comisario Sra. Gordon.

KPA tin su personal cla y prepara pa e periodo grandi y largo di Carnaval 65.

Aruba por sigui conta cu e sosten di KPA prome, durante y despues di Carnaval 65. KPA lo percura pa e orden publico y tin diferente unidadnan cla y prepara pa Parada di Flambeu diasabra awor.

Tene na cuenta cu “FAYA BO HAYA” ta na vigor durante Carnaval 65. Comporta bo mes pa bo no haya bo den un hotel di 5 strea. “Si bo faya bo ta haya y ora ami tey presente fiesta a caba CERO tolerencia ta na vigor” tabata e palabranan di Comisario Sra. Gordon. BAN HUNTO HACI CARNAVAL 65 GRANDI, CELEBRANDO RESPONSABEL Y CONCIENTE.

Spread the love
  • 11
    Shares

Leave a Reply

  • (not be published)