Indebon Ta Bai Kuminsá Ku Aktividat Di Deporte Den Bario

Posted on June 10, 2019, 2:40 pm
12 secs

KRALENDIJK, Bonaire             

Na luna di sèptèmber benidero Indebon ta inisiá ku Deporte den Bario pa tur mucha hòmber i mucha muhé di entre 7 pa 17 aña. Ta trata di e deportenan fòlibòl, trèfbal,slagbal i atletismo. Atletismo ta e úniko deporte ku ta tuma lugá den Stadion di Playa i Stadion Antonio Trenidat na Rincon.

Weganan lo ta di djaluna pa djabièrnè di tres‘or pa mitar di sinku di atardi na Sentro di Bario Nikiboko,  Johan Cruijf Court na Tera Kòrá, Kompleho Deportivo Jorge Nicolaas pa muchanan di Antriol i Sentro di bario Nort’i Saliña. Pa muchanan di  Rincon e weganan ta den Stadion Antonio Trenidat i e sala di deporte na Rincon.

Despues di fakansi grandi di skol Indebon lo duna mas informashon tokante e aktividatnan di Deporte den Bario.


      

Spread the love

Leave a Reply

  • (not be published)