Hotelnan di AHATA participando den proyecto di Aruba Doet

Posted on March 14, 2019, 12:40 am
2 mins

ORANJESTAD, Aruba

E aña aki un biaha mas companianan miembro di Aruba Hotel and Tourism Association (AHATA) lo participa den e proyecto di Aruba Doet. E hotelnan di AHATA a crea teamnan di empleado pa traha den varios proyecto e weekend aki.

E team di Amsterdam Manor Beach Resort lo ta presente na Beatrix School. Aki lo traha riba e dak pa sigui drecha e scol. Veld di Nacional tambe ta forma parti di e proyecto di Aruba Doet y Marriott Aruba Complex lo ta eynan pa yuda drecha unda tur mester.

Bucuti & Tara Beach Resort lo tin un team di empleado cu lo ta trahando riba e cura di Donkey Sanctuary pa yuda e organisacion sigui cuida e buriconan. E team di Divi Impact lo representa tur Divi resort y nan lo ta traha un playground na Madiki Kavel. Eagle Resort Aruba lo haci mehoracion riba scol Laura Wernet Paskel.

E team di Hyatt Regency ta cla pa traha na Traimerdia Noord, mientras cu Holiday Inn lo ta pintando Briyo di Solo. A asigna e team di La Cabana pa renoba dos localidad cual ta Centro di Bario Dakota y Paviljoen St. Michael.

Manchebo Beach Resort lo yuda renoba Mon Plaisir School. The Mill Resort tambe lo tin un team participando den Aruba Doet. Renaissance Aruba Resort lo ta trahando riba un renobacion di un proyecto na San Nicolas. E team di The Ritz-Carlton lo ta renobando Ayo Kleuter School, mientras cu e oficina di AHATA lo ta trahando riba e mehoracion di e veld di Sportboys.

E teamnan di Aruba Doet di cada hotel ta contento di por haci e mehoracionnan aki na beneficio p’e comunidad Arubano y ta haci esaki como un tradicion anual. Danki na cada miembro di AHATA pa participa den e proyecto di Aruba Doet, unda ta duna bek na comunidad.

Spread the love
  • 4
    Shares

Leave a Reply

  • (not be published)