Homber cu a horta mas di 20 turista dilanti mesa berde

Posted on January 10, 2019, 12:31 pm
8 mins

ORANJESTAD, Aruba 

  

E siman aki Corte a cuminsa cu su sesionnan normal pa loke ta 2019. Diahuebs tabatin algun caso chikito, di cual e hendenan ta den libertad, pero cu no tabatin un decision den nan caso ainda. Riba diabierna mainta lo tin e casonan mas grandi.Corte ta cuminsa cu diferente caso cu ta Pro Forma. Esaki ta nifica cu nan ta wordo presenta, un exigencia di Ley sino lo mester laga e persona bay liber, pero debi cu e PV final no ta cla, ta wordo trata riba un otro fecha.Ta cuminsa pa 8.30 di mainta cu e caso Pro Forma contra e homber C.F.F. F. ta wordo acusa di un delito sexual den e periodo di 16 di mei 2011 te 15 di mei 2013 contra un prsona cu no tabatin 12 aña ainda. E ta wordo acusa di un delito sexual den e periodo di 26 di april 2010 te 25 di april 2015 contra un di dos persona, cu e tempo ey no tabatin 16 aña ainda.Ta sigui cu e caso contra e homber R.A.S.d.R. (Pro Forma), kende tin un serie di acusacion contra dje. S.d.R. ta wordo acusa di kiebro y ladronicia den un cas na Seroe Biento di propiedadnan di un persona riba 9 di augustus 2018.Tambe e ta wordo acusa di kiebro y ladronicia den un cas na L.G. Smithboulevard di pertenencianan di un turista riba prome di juli 2018. Otro acusacion ta di kiebro y ladronicia den un cas na Safir di dos laptop y/of un telefon y/of un iPad y/of un Go Pro y mas propiedadnan di un y/of cuater persona, tur di nan turista riba nos isla, den e periodo di 9 di juli 2018 pa 2 di augustus 2018.E ta wordo acusa di kiebro y ladronicia den un cas na L.G. Smithboulevard unda cu el a bay cu un cantidad di pertenencia di un y/of shete turista den e periodo di 3 di augustus 2018 te 17 di september 2018. Tambe e ta wordo acusa di kiebro y ladronicia den un cas na L.G. Smithboulevard di propiedadan di un y/of ocho turista den e periodo di 18 di juli 2018 te 4 di augustus 2018.E ta wordo acusa di kiebro y ladronicia den un cas na Opal di un telefon y/of un bril di solo y paspoort y/of un par di sapato di un y/of dos turista den e periodo di 11 pa 12 di augustus 2018. E ta wordo acusa di ladronicia den un cas na Opal di propiedadnan di un persona riba 14 di september 2018.Tur esaki conhuntamente cu un of mas otro persona.
Di e casonan cu si ta sigui nos tin esun contra M.J.C., kende ta wordo acusa di a tira gasolin riba persona y a bay riba dje cu un lighter riba 21 di september 2018. Tambe e ta wordo acusa di a maltrata e mesun  persona aki riba 21 di september 2018 dor di dal e varios biaha cu mokete y cu wanta na su cara y curpa.Pa 9’or tin e caso contra N.A.M.V., kende ta wordo acusa di a maltrata su dos yiunan den e periodo di juni 2009 pa april 2018 dor di maltrata nan cu mokete y/of armanan (faha, taki di mata y/of slof).E ta wordo acusa di a comete actonan sexual contra un persona bao 16 aña den e periodo di 10 di juni 1996 te 9 di juni 2004. E ta wordo acusa di a comete actonan sexual contra un otro persona bao 16 aña di edad den e periodo di 11 di juni 2002 pa 10 di juni 2004.Despues tin e caso penal contra J.A.S.O., kende tin contra dje acusacion di falsificacion y intento di estafa riba 25 di juni 2018.Pa 10.15 ta bin dilanti J.A.V.L. a acusa di, conhuntamente cu un otro of otronan, a comete ladronicia cu violencia den un supermarket riba 21 di maart 2018 y a bay cu placa y/of un tas di muher y/of un cadena di oro cu tabata pertenece na un y/of tres persona. E violencia a encera cu V.L. y e otronan a drenta e supermercado cu cara tapa y arma di candela y a pone arma riba curpa di un di e personanan y a bise: “Duna mi e placa”.Tambe cu a pone arma riba un otro persona y a ranca su tas y su cadena y cu a pone arma riba pecho di e di tres persona y a bise: “Bo move mi ta mata bo”.  E ta wordo acusa di, conhuntamente cu un otro of otronan, ladronicia cu violencia den un supermercado riba 23 di maart 2018 di cen cu tabata pertenece na un y/of dos persona. E violencia a encera V.L. a drenta e supermarket cu cara tapa y arma di candela den man y a punta e arma riba e personanan den e tienda.V.L. ta wordo acusa di posesion di arma di candela riba 21 di maart 2018 y 23 di maart 2018 y 14 di mei 2018. Pero tambe V.L. ta wordo acusa, conhuntamente cu un otro of otronan, ladronicia cu violencia riba 14 di mei 2018 di un tas cu telefon y un boshi di yabi cu tabata pertenece na un y/of tres persona. E violencia a encera cu a menasa e personanan cu arma y/of a pusha e arma cu forsa contra pecho di un di nan y/of a dal e varios biaha cu e cabo di e arma na su cabes y/of a tene un otro persona cu forsa y a oblige pa drumi abao y/of a tene e arma na cabes di e di tres persona.  E ultimo caso e mainta aki ta contra  G.G.R.S., kende ta wordo acusa di tabatin placa den su poder riba 14 di mei 2018 di cual e tabata sa cu e tabata procedente di crimen. R.S. ta wordo acusa di ladronicia cu violencia di telefon di un persona riba 16 di mei 2018. E violencia a encera cu el a bay cu cuchiu riba e persona y a bise: “Duna mi bo celular”.

                 

Spread the love
  • 16
    Shares

Leave a Reply

  • (not be published)