Hoben deportista Mitchell Lacle selecciona pa bai Europa pa try-out den team profesional di futbol.

Posted on April 30, 2019, 6:12 pm
29 secs

ORANJESTAD, Aruba

E siman aki ta habri cu bon noticia pa e hoben deportista Mitchell Lacle.

Asistent coachnan di e team Profesional di futbol Sparta Rotterdam a bin Aruba pa selecciona algun hoben pa bai Europa pa un try-out den Sparta. Mitchell Lacle ta un di e hobennan cu a destaca su mes como cu e la sali tambe na prome luga den un serie di “penalty shootout” caminda cu e coachnan a observa Mitchell su perseverancia y animo pa futbol. Mitchell Lacle mes ta sumamente contento cu e la haña e oportunidad aki, uno cu sigur no ta facil pa logra. Riba e fotonan por mira Mitchell Lacle cu su mayornan Nilton Lacle y Shuliska Rosaria, tambe por mira e otro 5 hobennan cu a wordo selecciona hunto cu e Asistent coachnan di Sparta Rotterdam. Den total ta seis hoben a keda seleciona cu ta Jack Maxwell, Lionel Spataro, Kymani Hazel, Shivay Wadhwani, Quion Poppen y Mitchell Lacle

E Arubiano ta desea Mitchell Lacle tur clase di exito cu e reto nobo cu e tin su dilanti.

Spread the love

Leave a Reply

  • (not be published)