Fundacion Sea Bunita Sea Bo mes den preparacion pa cu gala show di nos muchanan y hobennan special pa dia 8 di juni proximo

Posted on May 13, 2019, 7:59 pm
2 mins

ORANJESTAD, Aruba    

Comunicado di prensa

Modelonan di Curacao tambe lo forma parti den e show aki

Fundacion Sea Bunita Sea bo mes, ta den full swing preparando pa cu nan gala show di nos hobennan y muchanan special, cual cu lo bay tuma lugar dia 8 di juni proximo den Renaissance Convention Center.

Pa di 4 aña consecutivo Fundacion Sea Bunita Sea Bo mes, trahando duro pa logra un otro anochi di gala pa nos muchanan y hobennan special, tur cos ta mustra cu Aruba por bay gosa di un otro y excelente anochi, na unda nos muchanan y hobennan special lo haya red carpet na yegada y tambe lo desfila ariba pasarela cu un celebrity, cual ta di aprecia ya cu tur celebrity cu a wordo acerca semper ta cla pa duna sosten y apoya e causa di nos muchanan y hobennan special den nan lucha pa aceptacion den nos comunidad.

Tur cos lo start dia 8 di juni pa 7.30 pm, unda e publico lo bay disfruta y aplaudi nos muchanan y hobennan special den nan excelente show di gala combina cu canto, baile y pasarela cu nos modelonan di Aruba y tambe  invitadonan special di Curaçao y Belgica.

Carchinan tin un balor di awg 35,– y ta obtenibel cerca tur mayor di nos muchanan special y pa mas info y carchi por tuma contacto cu sra. Marienela Geerman na cel # 733-1431.

Fundacion Sea Bunita Sea Bo mes, ta presenta 3 modelo cu lo forma parti cu nos den show for di nos hermana isla di Curaçao cu ta Sabrina Fecunda, David Thomas y Princess Mia, muchanan super inteligente cu tambe ta bay ta on stage dia 8 di juni proximo.

Fundacion Sea Bunita Sea Bo mes, ta extende un invitacion na henter e pueblo di Aruba, pa asisti y acompaña nos muchanan y hobennan special den nan gala show y brindanan tur apoyo den nan lucha pa inclusion den nos comunidad.


Spread the love

Leave a Reply

  • (not be published)