Fundacion Bernadina ta anuncia edicion 7 di e festival dedica na Mama di Cultura

Posted on May 13, 2019, 10:04 am
3 mins

ORANJESTAD, Aruba

Den conferencia di Prensa, miembronan di fundacion Bernadina Growell-Kock a anuncia e di 7 edicion di e Festival dedica na mama di Cultura Bernadina Growell-Kock. Mervin Ras ta Trece padilanti cu e festival lo tuma lugar dia 8 di juni venidero anochi di 7-12 or den Centro di Bario Brazil. Ya tin mas menos 20 inskripcion. Lo tin 7 grupo tipico cu lo acompanja e cantantenan. Por inskribi ainda serca miembronnan di e fundacion Lena cell.  5651145of Persey cel. 7336007 ta cu diamars awor dia 14 di mei. Fundacion Bernadina Growell-Kock ta invita tur banda/tipico y cantantenan pa un segundo reunion informativo den Centro di Bario Brazil diamars anochi dia 14 di mei di 7.30 – 9.00 or. Esan cu kier inskribi por haci esaki ainda durante e anochi. Meta di e festival ta pa duna sosten nan desaroyo di nos cultura y pa contribui na concientisacion di nos comunidad pa loke ta trata Mama di Cultura y su gran contribucion na nos folklore, cultura y arte. E fundacion a yega di organisa diferente acitividad y a coloca un relieve na Paseo Herencia. Na varios ocasion ta expone e cas pa tur hende por bishit’e. Mervin ta invita un y tur pa bin presencia e grandioso festival aki y ta gradici pa e aporte cu ta ricibi di publico y sosten y presencia di prensa. Persey Jeandor a splica tocante e forma di e festival y cual ta reglanan. Ta trata di cancionnan tipico, na papiamento. E ritmo mester ta local, p.e. wals, danza, mazurka, tumba y foxtrot. Mester ta na tempo pa training y festival, trahe mester ta cultural. Etc. 

Lena a informa encuanto inskripcion. Sr. Chico Harms a trece padilanti cu den lunanan venidero banda di e festival lo prepara pa eleccion di baby, damita, dama y dama grandi cultural pa nan por guia e parada cultural cu lo tuma lugar den september venidero. 

Sra. Lucia Thiel, subrina di Bernadina a expresa con bon e ta sinti pa participa na e festival. E ta e promer dama cultural si Brazil y ta contento cu e sosten di un cantidad di persona pa cu e festival.  

Spread the love

Leave a Reply

  • (not be published)