Fundacion Bernadina ta anuncia cantantenan y agrupacionnan pa diasabra 8 di juni venidero

Posted on June 07, 2019, 10:18 am
26 secs

ORANJESTAD, Aruba  

Directiva di Fundacion Bernadina Growell ta anuncia nomber di cantantenan y agrupacionnan pa e di 7 festival dedica na nos inolvidable mama di cultura Bernadina Growell-Kock. E festival lo tima lugar diasabra awor dia 8 di juni den Centro di Bario Brazil. En total lo tin 28 cantante y 8 agrupacion. Jelisse Boekhoudt y Hubert Geerman lo ser acompanja pa Grupo Stimami. Bertha Wolf, Siegfried Kelly, Mario Kelly sr y Mario Kelly jr lo ser acompanja pa agrupacion Zonido di antanjo. Jessica Gonzalvez lo ser acompanja pa Tradicion Musical. Betty Werleman y Lucia Thiel lo canta cu Sodo y Cuero. Chelito Dirksz, Roland Jansen, Hubert Ras, Antonieta Ras-Booi, Benito Casuela, Ivy Bryson, edyliane Nicolaas y Javina Besselink lo ser acompanja pa un Brindis. Tipico Dabaruida lo acompanja Sasha Koolman, Judith Werleman, Glenda Zavala Maduro, Daphne Kelly-Martijn, Priscilla Quandt y Rubia Maduro. Arlette Franken, Michelane Abreu, Daniel Willems y Roxy Effer lo canta cu Tipico Nos Folklore. Joel Growell lo ser acompanja pa tipico Palisia. Entrada lo ta solamente 10 florin y lo tin cuminda/snacks criollo. 

  

Spread the love

Leave a Reply

  • (not be published)