Fmtb A Clausura Su Programanan Pa 2018

Posted on December 04, 2018, 3:51 pm
3 mins

ORANJESTAD, Aruba

Dialuna dia 3 di December Fundacion  Movemento ta Bida a clausura tur su programanan pa anja 2018.

Esaki a tuma lugar den Renaissance Convencion Center unda tur e gruponan a bini hunto p’asina celebra e anja exitoso di nos Fundacion.

Tur grupo a hasi un presentacion sea di baile of di canto hunto cu e lidernan di e grupo.

Fundacion Movemento ta Bida por wak bek ariba un anja cu hopi actividad manera e programma di “Hunto nos ta vence Embehecimento” cual ta un programma cu a worde subsidia door de Samenwerkende Fondsen di Hulanda y controla aki door di CEDE Aruba. E programanan ta den Dakota, Tanki Leendert y Santa Cruz mientras un otro programma tambe ta na Noord. Tur e gruponan a hanja dos bes pa siman les den movecion y tambe a hasi differente projecto social y a risibi charla di differente personan of instancia pa asina enrikece nan sabiduria mas ainda. E programma aki tabata pa tur hende 60 plus. Pa januari tur esaki ta start atrobe y directiva di FMTB pa miranda e posibilidad pa cuminsa e programma aki den otro districto tambe. Un danki ta bai na tur e boluntarionan cu a juda pa e programma tabata un exito.

Tambe e anja aki tur diasabra mainta tabata tin caminata den naturalesa bou di guia di Rudy Leysner y cu lo continua den januari 2019.

Jani Brokke Memorial tabata grandi atrobe manera normal y pa anja 2019 nos ta wak un crecemento den participante. Durante anja tambe nos Simposio di Postura “Let’s sit the right way” a duna hopi informacion tocante con pa sinta p’asina no hanja dolor di lomba y nos a introduci e aparato “ Upright Go”. Nos festival di canto y Nochi di Baliadornan tabata sumamente exitoso y un y tur a goza di e anochi ei.

International tambe dos miembro di Directiva a partisipa na e reunion principal di RAFA PANA na Lima Peru p’asina hanja mas conocemento di tur cos nobo ariba e tereno di movemento.

Pa anja 2019 tin differente programma nobo pa ehecuta y nos ta spera cu financieramente nos por alcansa tur esakinan.

Fundacion Movemento ta Bida kier a gradisi tur sponsor, prensa y tur esnan cu a juda nos den 2018 deseando un y tur Feliz Dianan di Fiesta y un 2019 cu hopi Salud, Bendicion y Movemento.

Harold de Miranda

Spread the love

Leave a Reply

  • (not be published)