E Arubiano VIDEO Ni scol y ni mayor a percura pa duna keho official pa proteha e hoben di 15 aña

Posted on May 24, 2019, 5:04 pm
4 mins

ORANJESTAD,Aruba

Importante pa abo como mucha, hoben of hende grandi cu haya nan mes den un situacion di violacion y of Sexual Harassment   denuncia esaki mesora. Tambe mayornan cu tin hobenan menor di  edad  para banda di bo yiu pa e acto cometi ta hopi importante. Esnan cu no haci esaki NO tin palabra pa nan como mayor. Aunke cu e abusador por ta famia di ambos banda mester ta cosniente cu ta un daño e la comete pa bida na un persona . Alabes por bisa cu na momento cu sconde paso ta un familiar, esaki  no lo yuda e ser humano cu e comete e acto immoral, pero mas bien ta dune e forsa pa sigui , esaki mester STOP AWO! Sinembargo mester bisa  tur cos ta cana atrabes di e mentalidad cu un persona tin y con halto su norma y bolornan ta pa enfrenta un situacion manera debe ser.

IBERO American High School na San Nicolas a yama un conferencia di prensa di loke a sali na luz di dia di un situacion di Sexual Harassment   y of violacion  cu a tuma luga cu un alumno di e scol. Segun e director e articulo cu a sali den un pagina di facebook di un miembro di prensa no tin e facts nan corecto segun e director di IBERO . Sinembargo na e mes un momento e director ta duna di conoce cu na su scol no ta acepta situacionnan asina y a kita e IT di e scol mesora for di trabao debi cu e resultado di e investigacion interno a sali na cla cu si a pasa un situacion hopi doloroso pa e hoben menor di edad. E scol no a entrega un keho official na polis debi cu e no ta kere den esey , pero si a kita e abusador cu a comete e acto cu e alumno di e scol . Awor loke e scol ta ofrece  e mucha  ta tratamento  gratis di psychologie pa e atende. Loke ta un realidad, ta cu tin un situacion no aceptabel a sosode na scol y scol no a duna un keho official na polis riba e situacion. Sinembargo por a compronde tambe e mes un persona cu a comete e acto aki ta familiar di e mes un director di e scol. Te cu dia di awe no tin un keho oficia haci na JZP dor di e scol y tampoco dor di e mama di e menor. Esaki sigur ta un situacion hopi fastioso unda cu e mucha den e caso aki ta esun cu a keda  memei  y perhudica den tur aspecto  y sentido.  Loke cu tambe ta un realidad cu e persona cu a comete e acto aki ta dies liber y no a haya un scual  of tratamento  riba su pensamento riba  actonan cu mucha  menor di edad.  Comunidad mester ta consiente cu Violacion y Sexual Harassment ta dos cos diferente pero cada un ta castigabel.    

Spread the love

Leave a Reply

  • (not be published)