E 6 sectornan prometedor pa incentiva e economia na Aruba na un grupo grandi di inversionista colombiano

Posted on December 03, 2018, 12:45 pm
2 mins

ORANJESTAD, Aruba

Comunicado Di Prensa Minfec:

Minister  mr. Xiomara Ruiz-Maduro a presenta den e aula di Universidad Autonoma de Colombia:

Den cuadro di e Mision Economico di Reino Hulandes na Colombia, e delegacion di Aruba lidera pa Minister di Finansa, Asuntonan Economico y Cultura Sra. mr. Xiomara Ruiz-Maduro a probecha pa reuni cu un grupo grandi di inversionista den e aula di Universidad Autonoma de Colombia pa asina presenta datanan di comercio entre Aruba y Colombia y tambe presenta e seis sectornan prometedor pa incentiva e economia na Aruba den cual ta brinda oportunidad tambe pa participacion di inversionista di Colombia. E presentacion a recibi un bon acohida y na final tabata tin hopi interes di parti di e inversionistanan presente pa drenta den contacto y haya mas informacion. 

E inversionistanan a mustra interes pa ofrece servicio medico, reciclahe, negoshi portuario, industria creativo, industria petrolero, exportacion di alimento, consultancy medico, mobilisacion cu bicicleta, equipo di seguridad, etc, etc, pa nombra algun. Como muestra di aprecio pa nan presencia, e delegacion di Aruba a presenta e inversionistanan cu algun boca dushi di Aruba y algun recuerdo, entre nan, e presentacion duna riba un memory stick. Minister Sra. Xiomara Ruiz-Maduro a presenta Aruba como e ‘One Happy Investment Island’ cual slogan a keda masha gusta pa e inversionistanan. Universidad Autónoma de Colombia a haci uso di e oportunidad pa gradici e delegacion pa e esfuerso pa purba yega na un relacion mas estrecho di comercio entre Aruba y Colombia y a presenta Minister di Finansa, Asuntonan Economico y Cultura mr. Xiomara Ruiz – Maduro un medaya y un certificado di aprecio.

Spread the love
  • 1
    Share

Leave a Reply

  • (not be published)