Corsow Ta Bay Ehecuta Maneho Economico Di Mike Eman Corsow como “hub” pa region!

Posted on July 08, 2019, 5:49 pm
4 mins

ORANJESTAD, Aruba  

Director di MCB/CMB Lionel “Chicu” Caprilles ta djis otro ehecutivo di sector priva di Corsow cu a expresa sosten pa e maneho economico di gobierno di Prome Minister Rhuggenaath. E ta hasta bisa cu ta su responsabilidad pa yuda stimula economia di su isla Corsow. E maneho cu e ta bisa di ta sostene ta e maneho pa comberti Corsow den un “hub” di servicio y actividad economico pa region Caribense y Latino Americano. Corsow a cuminsa haci esaki cu inversionnan di companianan fuerte cu bon reputacion: e compania Damen di Hulanda a tuma over DOK Maatschappij, e compania Coredon a tuma over e Hotel Veneto y ta buscando un partner nobo pa e refineria. Pa sostene e maneho di converti Corsow den un “hub” ta mehorando e propio infrastructura: entre otro ta trahando un hospital nobo, ta renobando e airopuerto y ta stimula renobacion di otro hotelnan y servicionan pa pueblo y pa sector priva.  

MANEHO CONOCI?

Si tur esaki ta zona conoci, ta pasobra e ta e maneho cu Gabinete Mike Eman I y II a diseña y a cuminsa ehecuta su so sin sosten di sector priva di Aruba, cu den su majoria a kere e critica y gañamento di MEP y su satelietnan. Corda tur e inversionnan den infrastructura, den waf, den aeropuerto, den hospital, den careteranan, den enseñansa? Nan no tabata por nada: nan tabata necesario pa mehora e comunicacion y servicio economico aki na Aruba mes y di companianan cu establece na Aruba. Corda e companianan cu a cuminsa bin of bolbe bin Aruba den cuadro di e maneho aki? KLM y Carnival Cruise cu a bay bou di e maneho di gobierno di MEP, a bolbe. TNO ta e prome compania cu a bin y a cuminsa trabounan den sur america. Den enseñansa Rietveld Academie a cuminsa cu programanan cu a atrae studiantenan for di region. A bolbe habri e refineria cu a cuminsa inverti den renovacion di e compania. Gobierno di MEPORED a stroba, elimina of no por a maneha niun di e plannan den cuadro di e maneho aki. Kico a bin den su luga? E proposicion di MEPORED pa un economia a base di MARIJUANA!!!! 

Ki dia Aruba, sector publico y sector priva ta tuma e esfuerso di siña, compronde un bon maneho y distingui’e di critica bashi. Ki dia sector priva, banconan, comerciantenan y inversionistanan, ta amplia nan horizonte y husga un maneho riba su meritonan pa nos PAIS y no djis riba “loke ta bon pa nan mes?”. Awor Corsow ta bay ehecuta e maneho cu nos aki na Aruba por ta hopi mas leu den ehecuta, si no tabata pa e miedo pa para y sostene un bon maneho, pa e falta di curashi pa sostene un desaroyo completamente nobo, e falta di interes general, e falta di conocemento y vision pa un pais….NOS PAIS!

(E articulo aki ta basa riba e articulo di Rene Zwart den revista “online” KONINKRIJKSRELATIES.NU di 6 di juli 2019 cu e titulo: “Bankier Capriles: Waarom bankencrisis geheel aan Curaçao voorbij is gegaan.”)

Segun e comunicado manda pa partido AVP

                  

Spread the love

Leave a Reply

  • (not be published)