Colegio EPI ta un scol cu tin como meta, pa e studiantenan termina nan estudio como profesional

Posted on January 04, 2019, 5:51 pm
2 mins

ORANJESTAD,Aruba

Colegio EPI ta un scol cu tin como meta, pa e studiantenan termina nan estudio como profesional bon educa. E materia ‘Bewegingsonderwijs’ (BO) ta exigi di e studiantenan di 3de klas, cu casi independientemente ta organisa diferente actividad pa recauda fondo durante un paar di luna. Durante e actividadnan aki e studiante ta siña planea, organisa y duna guia, pero tambe e ta desaroya su habilidadnan comunicativo grandemente, door di e cooperacion intensivo aki.

Finalmente e studiante ta logra drenta e proceso laboral como profesional, caminda e tin e capacidadnan organisatorio y di liderazgo hopi fuerte. E proyecto aki ta termina na final di februari 2019 cu un viahe educativo/deportivo, unda e studiantenan lo siña maneha placa, cushina, ski y mucho mas.

E actividad mas grandi di e grupo di BO ta e conocido Eleccion di Reina di EPI, cu e aña aki lo cumpli su di 20 aniversario y lo tuma luga diabierna dia 11 di januari 2019 na Entertainment Center. E anochi aki ta promete di bira uno exitoso, celebrando Carnaval 65 en grande, cu no menos cu 6 candidata di diferente sector di EPI. Cada candidata lo duna un presentacion inoficial den un trahe recicla y un presentacion oficial.

E aña aki grupo BO a dicidi di yuda e candidatanan den nan preparacion door di duna nan e posibilidad di atende diferente workshop cu ta trata e topiconan manera: ‘Speech’, ‘Creative Recycling’, ‘Presentatietechnieken’, ‘Make-up’ y tambe lo tin e actividadnan recreativo, pa e candidatanan por cera mas conoci cu otro. Loke ta mas importante ta, pa e candidatanan goza di e preparacion pa Carnaval 65.

E studiantenan di BO groep kier invita pueblo carnavalesco pa atende EPI su eleccion di Reina, diabierna dia 11 di januari na Entertainment Center y asina yuda engrandece nos Carnaval. Ticket lo ta disponibel cerca e studiantenan di grupo BO y por tuma contacto cu Nathan na 5660291 of bishita nos Facebookpage “BO-groep – EPI Unit Economia”.

Di antemano e studiantenan di grupo BO kier manda palabra di gradicimento na un y tur cu ta haci e eleccion aki posibel.

Spread the love
  • 17
    Shares

Leave a Reply

  • (not be published)