Choller ta haña moketaso 3 or di marduga

Posted on April 11, 2019, 5:23 pm
27 secs

ORANJESTAD, Aruba

Marduga asistencia di polis ta ser pidi na Dadelstraat. Na yegada polis ta topa cu e choller di inicial K. cu ta declara lo siguiente. E ta drumi tur anochi riba plaza Betico Croes. Sinembargo e anochi aki hamber a dal e bandi 3 or di marduga y e la lanta pa come algo. Mientras cu e tabata comiendo a aparese un homber desconosi su dilanti. Prome cu e por a mira drechi mes ta ken y kiko e homber lo kier. E la sinti un klap di mokete masha duro na su cabes. Y e la bai for di tino. Ora e la bin bei, su nanishi tabata core sanger y e la ripara cu un hende a coba den su cosnan. E la cana bai na cas di su mama pa ayudo den Dadelstraat. Mirando cu e no tin AZV e no a bai hospital. Polis nan a papia cu ne y splike cu ta importante toch pa e bai hospital pa un checkup. K. bisa cu e lo hasi esey.

Spread the love
  • 6
    Shares

Leave a Reply

  • (not be published)