Ceramento parcialmente di caminda di Washington en conexion cu asfaltamento

Posted on July 07, 2019, 10:53 pm
41 secs

ORANJESTAD, Aruba    

Comunicado Di Prensa

Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda  di Washington cu dialuna dia 8 di juli 2019 lo bay cera parcialmente pa asfalta e caminda. 
Lo haci e trabounan preparativo y asfaltamento den 3 fase:

Fase 1 di trabounan preparativo ta cuminsa 8 pa 12 di juli 2019 y e asfaltamento lo tuma lugar dia 15 pa 17 di juli 2019.

E caminda cu lo asfalta ta di Washington # 54A pa Washington 74A.

Fase 2 di trabounan prepartivo ta cuminsa 15 pa 19 di juli 2019 y e asfaltamento lo tuma lugar dia 22 pa 24 di juli 2019.

E caminda cu lo asfalta ta di Washington # 62B pa Washington 52C.

Fase 3 di trabounan prepartivo ta cuminsa 22 pa 26 di juli 2019 y e asfaltamento lo tuma lugar dia 29 pa 31 di juli 2019. 

E caminda cu lo asfalta ta di Washington #52B pa Washington #34.

Ruta alternativa lo keda indica cu baricada y borchi di aviso y e orario di ceramento lo ta di 8’or di mainta te cu 4’or di atardi.

En conexion cu e trabounan menciona, Departamento di Obra Publico ta pidi pa tene cuenta cu e inconveniencia cu lo por surgi pa cual nos ta pidi nos disculpa.


          

Spread the love

Leave a Reply

  • (not be published)