ORANJESTAD, Aruba

Canicio van der Biezen ta un instructor di buceo profesional. Den conexion cu e desaroyo di e Parke Marino, e ta comparti su punto di bista pa locual ta trata e parke, como tambe kico ta e retonan cu tin cu bida bou di awa.

Van der Biezen ta splica cu actualmente tin hopi problema cu e bida marino ta enfrenta, un gran parti di esaki ta debi na problemanan cu cambio di clima mes pero tambe tin problemanan crea pa hende. Coralnan ta un gran tesoro bou di lama y hende ta gusta waknan sinembargo, no tin mucho consienctisacion riba con delicado nan ta.  “Tin problemanan causa pa hende, pero tambe problemanan cu naturalesa mes ta responsabel p’e como entre otro e cambio di temperatura bou awa. Tambe tin ‘verzuuring’, tin hende ta tira anker riba coral of trapa riba nan, tiramento di plastic den awa, tur esaki ta cosnan cu ta pone presion riba bida marino” e ta comenta.

Van der Biezen ta sigui splica cu como buceado, locual ta mas importante p’e ta pa topa cu un bida bou lama cu ta sano. Asina aki e por disfruta di bida marino, pero tambe introduci otro hende na e beyesa aki y contanan con bida eybou ta cuminsa. “Tin hopi cos cu hende mester compronde di bida bou di awa, e ecosistema bou di awa ta hopi importante pero tambe hopi fragil. Si cos sigui manera e ta bay, ta posibel cu nos ta kibra esaki lihe. E desbalansa ey por trece hopi peliger pa nos mundo”  

Van der Biezen ta bisa cu tin un importancia grandi pa un parke marino, pero mester regula esaki bon. Segun e, e reglamento di e parke mes mester pasa den un manera cu tur hende por disfruta esaki. “E ta mescos cu un parke riba tera, tin animalnan cu ta pro crea demasiado lihe birando un peliger pa e otronan. Pa e motibo ey ta importante pa tin control y proteha esunnan mas debil. Hopi animal ta den peliger di extincion caba. Por ehempel, un turtuga ta protegi, sinembargo e mester mas proteccion ainda. E lista di animalnan cu mester proteha ta keda bira mas largo cu e añanan, ” e ta remarca.  Durante su añanan como buceado, el a mira hopi cos cambia bou awa. Specialmente e coralnan cu ta detereorando hopi lihe.

Remarcabel quote:

“E bida bou di lama ta hopi importante, pero tambe hopi fragil”

“E lista di animalnan cu ta den peliger di extincion ta keda bira mas largo tur aña”

Spread the love
  • 11
    Shares

Leave a Reply

  • (not be published)