Bo tabata sa cu tin accion di limpieza den bo bario ?

Posted on December 05, 2018, 5:13 pm
2 mins

ORANJESTAD, Aruba

Bario nan di Santa cruz, Paradera y Savaneta Pos Chiquito ta na turno!

Manera tradicion di tur aña e proyecto di accion di limpieza; Milieustraat 2018 a cuminsa den luna di November y a pasa den area di Noord, Oranjestad, Dakota y San Nicolas. E siguiente fechanan di Milieustraat 2018 lo ta;

 

  • 8 – December – 2018: Centro Deportivo Betico Croes, Santa Cruz
  • 9 – December – 2018: Centro Deportivo Rooi Afo, Paradera
  • 16 – December – 2018: Veld Universal, Pos Chiquito – Savaneta

Na cada fecha lo bai tin 4 container di Serlimar disponibel na e sitio indica entre 7’or di mainta te cu 1.45pm di atardi. Tur habitante di bario y bisindario por haci uzo di e oportunidad aki pa benta articulo di cas, sushi di cura of otro tipo di desperdicio afo den e container nan disponibel. Ploeg di Mantencion Bo Bario lo tey presente pa asisti habitante nan cu mester ayudo pa transporta nan desperdicio cu kier deshaci di djie. Pa ricibi e ayudo di Mantencion Bo Bario pa recoge desperdicio na bo cas, por yama 5245080 di dialuna pa diabierna pa registra e adres pa e dia di limpieza.

Serlimar S G kier pa e comunidad di Aruba marca e fechanan aki pa asina no perde e oportunidad pa deshaci di desperdicio na cas y asina cumpli cu e tradicion di limpieza pa e temporada di fin di aña.

Serlimar S G ta sumamente contento cu e colaboracion di parti di A.T.A. cu ta haci cu e accion di limpieza grandi pa fin di aña posibel. A.T.A. hunto cu e proyecto di Ban Serio ta enfatisa cu nos tur ta aporta y sigur mester reconoce nos impacto cu nos por tin ariba Aruba. E meta principal ta pa conscientisa comunidad riba e impacto di nan desperdicio y e impacto pa deshaci di esaki na un forma responsabel, paso hunto nos por mantene nos dushi Aruba limpi!

 

 

 

 

Spread the love
  • 5
    Shares

Leave a Reply

  • (not be published)