Atraco na Citco Paradera

Posted on March 21, 2019, 4:34 pm
31 secs

ORANJESTAD, Aruba    

Bandi 11:00 anochi central ta manda patruya cu urgency na Citco Paradera pa un caso di atraco. Na yegada polis a papia cu e manager. Cu ta declara lo siguiente. E la sera e luga 11:00 di anochi pero na dado momento e la ripara cu un auto marca Nissan model Cube color blanco a para dilanti e stacion. Tabata tin 3 hende homber den e auto. Tur tres tabata tin un bivakmuts riba nan cara cu tshirt  cu kapushon. Un di e homber nan a purba ranka na porta pa wak si e ta habri. Despues nan a purba na porta di e otro banda di e gebouw. Pero tampoco no a logra habri nada. Nan a disidi di subi back den e auto y core bai direction di Pavia. E manager a laga polis nan wak e video di e susedido na Citco Paradera. Eiriba polis nan ta mira con e individuo nan ta purba habri e porta nan tur rond di e luga pa drenta paden. Polis a tuma tur datos nan importante y a pone e caso bao investigashon.

Spread the love
  • 70
    Shares

Leave a Reply

  • (not be published)