Astros Softball Team Liga 60+ A Bautisa Uniform Nobo

Posted on March 14, 2019, 8:45 pm
49 secs

ORANJESTAD, Aruba    

Diaranson anochi den un rato ameno e team di Astros 60+ bou di sponsorship di Arends Construction a bautisa nan uniform nobo. Giovanni Gomez a percura pa e team di Astros SBC liga 60+ bira realidad.  Despues cu e bautismo a tuma lugar, a reparti esaki den nan miembronan. Astros Arends Construction lo wordo dirigi pa sr Ruthsel Martina y asisti pa sr Humphrey Mohamed.

Como madrina a fungi e hobencita dynamica Sheqayli  “ Chiki” . Ascencion. Sheqayli ta gusta lesa y educa su mes. Algun di su logronan den su bida hoben aki ta; presenta como MC na edad di 8 anja, reina infantil di aruba su Carnaval na 2014,. E la representa Aruba den e “Football for Friendship” na Russia y  a sa di bay cu e titulo di “Young Journalist” unda 211 pais a participa y asina bira “Gazprom Youth Ambassador” desde 2018. Sheqayli “Chiki ta e cara tras di e projecto “Parke Marino” y den e fin di siman tras di lomba a fungi como MC den e festival Infantil “Himno I Bandera”.

Cu esaki Astros Arends Construction SBC liga 60+ ta cla pa enfrenta tur reto nan dilanti. Tur fanaticada dibon softball ta wordo invita pa asina bin apoyanan na e  prome wega cu lo tuma lugar diadomingo 24 di maart 2019 na Aruba Juniors pa 11or di mainta.

          

Spread the love
  • 5
    Shares

Leave a Reply

  • (not be published)